వెంకటేష్ హీరోగా అనిల్ రావిపూడి దర్శకత్వంలో దిల్ రాజు, శిరీష్ నిర్మిస్తున్న చిత్రం ‘సంక్రాంతికి వస్తున్నాం’. మీనాక్షి చౌదరి, ఐశ్వర్య రాజేష్ హీరోయిన్స్. జనవరి14న సినిమాను విడుదల చేయబోతున్నామని తెలియజేస్తూ బుధవారం ప్రెస్‌‌మీట్ నిర్వహించారు. వెంకటేష్ మాట్లాడుతూ ‘టైటిల్‌‌కు తగ్గట్టుగా సంక్రాంతికి వస్తున్నాం. ఒక మంచి ఎంటర్‌‌‌‌టైనర్‌‌‌‌ను సంక్రాంతికి ఇవ్వాలనే ఉద్దేశంతో ప్రేక్షకుల ముందుకొస్తున్నాం. ఫ్యాన్స్‌‌తో పాటు ఫ్యామిలీస్‌‌కి నచ్చుతుంది. అనిల్ చాలా బాగా రాశాడు, అద్భుతంగా తీశాడు. నా కెరీర్‌‌‌‌లో బెస్ట్ ఫ్యామిలీ ఎంటర్‌‌‌‌టైనర్‌ అవుతుంది. సంక్రాంతికి వస్తున్న చరణ్ ‘గేమ్ చేంజర్’, బాలయ్య ‘డాకు మహారాజ్’ కూడా బాగా ఆడాలి’ అని కోరారు.
నిర్మాత దిల్ రాజు మాట్లాడుతూ ‘సినిమాని మొదలుపెట్టినప్పుడే సంక్రాంతికి రావాలని ఫిక్స్ అయ్యాం. రషస్ చూసి నాన్ స్టాప్‌‌గా నవ్వుకున్నా. సీతమ్మవాకిట్లో, ఎఫ్2 తరహాలో సంక్రాంతికి పెద్ద హిట్ కొట్టబోతున్నాం. దీంతో పాటు ‘గేమ్ ఛేంజర్‌’తో సంక్రాంతికి వస్తున్నాం. బాలకృష్ణ గారి ‘డాకు మహారాజ్’ కూడా మేమే చేస్తున్నాం. ఈ మూడు పెద్ద విజయం సాధించబోతున్నాయి’ అని చెప్పారు. డైరెక్టర్ అనిల్ రావిపూడి మాట్లాడుతూ ‘ఎక్స్ కాప్, ఎక్స్ గర్ల్ ఫ్రెండ్, ఎక్సలెంట్ వైఫ్ మధ్య జరిగే బ్యూటిఫుల్ జర్నీని క్రైమ్ బ్యాక్ డ్రాప్‌‌లో తెరకెక్కించాం. ప్రేక్షకులు థ్రిల్ ఫీలౌతారు. క్లైమాక్స్‌‌లో వెంకటేష్ గారి వన్ మ్యాన్ షోను ఎంజాయ్ చేస్తారు’ అని చెప్పాడు. హీరోయిన్స్ ఐశ్వర్య రాజేష్, మీనాక్షి చౌదరి, నటులు వీకే నరేష్, వీటీవీ గణేష్, మ్యూజిక్ డైరెక్టర్ భీమ్స్ సిసిరోలియో
తదితరులు పాల్గొన్నారు.
