- మాదాపూర్శిల్పారామంలో సంక్రాంతి సంబురాలు షురూ
మాదాపూర్, వెలుగు: మాదాపూర్ శిల్పారామంలో ఆదివారం సంక్రాంతి సంబురాలు మొదలయ్యాయి. ఎప్పటిలాగే ఈసారి కూడా గంగిరెద్దులు, హరిదాసులు, బుడబుక్కలు, జంగమదేవరులు, పిట్టల దొరలు, ఎరుకలసాని చేరుకున్నారు. గంగిరెద్దుల ఆటలు, విన్యాసాలు సందర్శకులను ఆకట్టుకున్నాయి. భోగి పండుగ సందర్భంగా సోమవారం సాయంత్రం 5 గంటలకు చిన్న పిల్లలకు ‘భోగి పండ్ల ఉత్సవం’ నిర్వహిస్తున్నట్లు శిల్పారామం నిర్వాహకులు తెలిపారు.
ఆసక్తి గల తల్లిదండ్రులు పిల్లలతో రావాలని కోరారు. మంగళవారం సంక్రాంతి సందర్భంగా స్పెషల్ఈవెంట్స్ఉంటాయని స్పెషల్ ఆఫీసర్ కిషన్ రావు తెలిపారు. చేనేత హస్తకళ, జానపద సంగీత, నృత్య కళాకారులను ప్రోత్సహించడానికి శిల్పారామానికి రావాలని కోరారు.
