బెల్లంపల్లి రూరల్, వెలుగు : రాష్ట్రంలోని సర్పంచ్లు అందరూ ఏకమై ప్రభుత్వానికి బుద్ధి చెప్పాలని కాసిపేట మండల కాంగ్రెస్ అధ్యక్షుడు, పెద్దనపల్లి సర్పంచ్ వేముల కృష్ణ, సర్పంచ్ల సంఘం జిల్లా అధ్యక్షుడు సఫాట్ శంకర్ సర్పంచ్లకు పిలుపునిచ్చారు. ఇటీవల కాంగ్రెస్లో చేరిన సర్పంచ్లతో కలిసి సోమవారం కాసిపేట మండల కేంద్రంలోని ప్రెస్ క్లబ్లో ఏర్పాటు చేసిన విలేకరుల సమావేశంలో ఆయన మాట్లాడారు. రాష్ట్రంలో సర్పంచ్లు ఎవరూ సంతోషంగా లేరని, రెండేండ్లుగా పంచాయతీ బకాయిలు విడుదల కాక సర్పంచ్లు అప్పుల పాలైనట్లు ఆవేదన వ్యక్తం చేశారు. స్థానిక ఎమ్మెల్యే దుర్గం చిన్నయ్యఅరాచకాలతో అనేక ఇబ్బందులు ఎదుర్కొంటున్నామని, కేసులు పెట్టి వేధించినట్లు ఆరోపించారు.
దేశంలో ఎక్కడా లేని విధంగా బిల్లులు రాక సర్పంచ్లు ఆత్మహత్యలు చేసుకున్న రాష్ట్రంగా తెలంగాణ నిలిచిందన్నారు. కేంద్ర ప్రభుత్వం ఇచ్చిన నిధులను సైతం పంచాయతీ ఖాతాల్లో జమ చేయకుండా ఇతర పథకాలకు దారి మళ్లించిందని ఆరోపించారు. అందుకే ఈసారి కాంగ్రెస్కు మద్దతు తెలుపుతున్నామని, పార్టీని రాష్ట్రంలో గెలిపించి తెలంగాణ ఇచ్చిన సోనియాకు బహుమతి ఇవ్వనున్నట్లు పేర్కొన్నారు. ఈ సమావేశంలో సర్పంచ్లు మక్కాల శ్రీనివాస్, లావుడియా సంపత్, ఎంపీటీసీ పార్వతి, నాయకులు అప్పని శ్రీనివాస్తదితరులు పాల్గొన్నారు.
ALSO READ : బీఆర్ఎస్ సభా స్థలాన్ని పరిశీలించిన డీసీపీ
