సప్తగిరి హీరోగా నటించిన కామెడీ ఎంటర్‌‌‌‌‌‌‌‌టైనర్ ‘పెళ్లి కాని ప్రసాద్’. అభిలాష్ రెడ్డి గోపిడి దర్శకుడు. కేవై బాబు, భాను ప్రకాష్ గౌడ్, సుక్కా వెంకటేశ్వర్ గౌడ్, వైభవ్ రెడ్డి ముత్యాల నిర్మించారు. శ్రీ వెంకటేశ్వర క్రియేషన్స్ ద్వారా మార్చి 21న ఈ చిత్రాన్ని దిల్ రాజు విడుదల చేస్తున్నారు. ఈ సందర్భంగా శనివారం ప్రెస్ మీట్ నిర్వహించారు.
సప్తగిరి మాట్లాడుతూ ‘ఈ సినిమా కోసం మాకు మేము ఒక ఎగ్జామ్ రాసుకున్నాం. నా మనస్సాక్షిగా వందకు వంద మార్కులు వేసుకున్నా. ఆడియెన్స్ దగ్గర కూడా మంచి మార్కులు పడతాయని ఆశిస్తున్నా. ఈ సినిమా మంచి ఫన్ బ్లాస్ట్‌‌‌‌గా ఉంటుంది. అందర్నీ కడుపుబ్బా నవ్విస్తుంది. మా టీజర్ లాంచ్ చేసిన ప్రభాస్ అన్నకి, ట్రైలర్ రిలీజ్ చేసిన వెంకటేష్ గారికి థ్యాంక్స్.
ఈ సినిమాను దిల్ రాజు గారు రిలీజ్ చేయడం మా అదృష్టం’ అని చెప్పాడు. ఈ చిత్రం ప్రతి ఒక్కరికీ ఫన్ ఎక్స్‌‌‌‌పీరియెన్స్ ఇస్తుందని హీరోయిన్ ప్రియాంక శర్మ అంది. ఈ చిత్రం అందరూ ఎంజాయ్ చేసేలా ఉంటుందని దర్శకుడు అభిలాష్ రెడ్డి చెప్పాడు. సపోర్ట్ చేసిన ప్రతి ఒక్కరికీ ప్రొడ్యూసర్ కేవై బాబు థ్యాంక్స్ చెప్పారు. నటీనటులు అన్నపూర్ణమ్మ, ప్రమోదిని, కిట్టయ్య పాల్గొన్నారు.
