ప్రియదర్శి, రూప కడువయూర్ జంటగా మోహనకృష్ణ ఇంద్రగంటి దర్శకత్వంలో తెరకెక్కుతోన్న చిత్రం ‘సారంగపాణి జాతకం’. శివలెంక కృష్ణప్రసాద్ నిర్మిస్తున్నారు. ఇప్పటికే షూటింగ్ పూర్తి కాగా, పోస్ట్ ప్రొడక్షన్‌‌లో బిజీగా ఉన్నారు మేకర్స్. తాజాగా ప్రమోషన్స్‌‌కు ముహూర్తం ఫిక్స్ చేశారు. నవంబర్ 21న ఈ మూవీ టీజర్‌‌‌‌ను విడుదల చేయనున్నట్లు ప్రకటించారు.
ఈ సందర్భంగా దర్శక నిర్మాతలు మాట్లాడుతూ ‘మనిషి భవిష్యత్తు చేతి రేఖల్లో ఉంటుందా? లేదా అతను చేసే చేతల్లో ఉంటుందా? అనే ప్రశ్నకు జవాబు ఇచ్చే ఎంటర్‌‌‌‌టైనర్ ఇది. జంధ్యాల గారి తరహా పూర్తి వినోదాత్మకంగా ఉంటుంది’ అని చెప్పారు. వెన్నెల కిశోర్, వైవా హర్ష, నరేష్ విజయకృష్ణ, తనికెళ్ళ భరణి, శ్రీనివాస్ అవసరాల ఇతర పాత్రలు పోషిస్తున్నారు. వివేక్ సాగర్ సంగీతం అందిస్తున్నాడు. డిసెంబర్ 20న సినిమా విడుదల కానుంది.
