అయిజ, వెలుగు: అలంపూర్ సిట్టింగ్ ఎమ్మెల్యే అబ్రహం కు బీ ఫామ్ ఇవ్వకపోతే మూకుమ్మడిగా రాజీనామా చేస్తామని నియోజకవర్గంలోని అన్ని మండలాల సర్పంచులు, ఎంపీటీసీలు, పీఏసీఎస్ చైర్మన్లు తెలిపారు. సోమవారం పట్టణంలోని ఓ ఫంక్షన్ హాల్లో అయిజ పీఏసీఎస్ మాజీ చైర్మన్ సంకాపూర్ రాముడు ఆధ్వర్యంలో సమావేశం నిర్వహించారు.
టికెట్ కేటాయించి బీ ఫామ్ ఇవ్వకపోవడం సరైంది కాదన్నారు. అభ్యర్థిని మార్చాలనే ఆలోచనను విరమించుకోవాలన్నారు. క్యాండిడేట్ను మార్చితే సహించేది లేదన్నారు. కాశి పోగురాజు, సుగుణమ్మ, జయ చంద్రారెడ్డి, మల్లికార్జున్ రెడ్డి,తనగల సీతారామి రెడ్డి, రంగు శ్రీధర్, మేకల నాగిరెడ్డి, రాణెమ్మ, భూషణం, ఉమేశ్ గౌడ్ పాల్గొన్నారు.
