మిర్యాలగూడ, వెలుగు: గౌరవ వేతనం రాకపోవడం, బిల్లులు చెల్లించకపోవడంతో సర్పంచ్కూలీగా మారాడు. నల్గొండ జిల్లా మిర్యాలగూడ మండలం వాటర్ ట్యాంక్ తండా గ్రామ పంచాయతీ జనాభా1060. ఈ పంచాయతీ సర్పంచ్ధనావత్రాంచంద్రనాయక్. పంచాయతీలో ఎన్ఆర్ఈజీఎస్, జీపీ ఫండ్స్కింద పలు పనులు చేపట్టారు. అయితే ఈజీఎస్ ఫండ్స్ బిల్లులు రూ. 9.2 లక్షలు ఎనిమిది నెలలుగా పెండింగ్ పెట్టారు. మరోవైపు సర్పంచులకు ఇచ్చే గౌరవ వేతనం రూ. 6,500 మూడు నెలలుగా ఇవ్వడం లేదు.
దీంతో రాంచంద్రనాయక్ కూలికి వెళుతూ కుటుంబాన్ని పోషిస్తున్నాడు. మంగళవారం మిర్యాలగూడకు రైల్వే వ్యాగన్ రాగా అక్కడ కూలి పనికి వెళ్లడం చర్చనీయాంశమైంది. ఈ విషయమై రాంచంద్రనాయక్ మాట్లాడుతూ స్థానిక ప్రజాప్రతినిధుల వద్ద బిల్లుల విషయం మొరపెట్టుకున్నా ప్రయోజనం లేకపోయిందన్నారు. ఎనిమిదేళ్లు గడిచినా జీపీ భవన నిర్మాణం చేపట్టడం లేదని వాపోయాడు.
