- వంద ఎకరాల జాగా ఉంటేనే పర్మిషన్
- నిర్మాణదారులను ప్రోత్సహించాలని హెచ్ఎండీఏ నిర్ణయం
- ప్రైవేట్ సంస్థలతో కలిసి నిర్మాణానికీ సన్నాహాలు
- ట్రాఫిక్ ఒత్తిడి, అభివృద్ధి వికేంద్రీకరణకు సర్కారు ఉపాయం
హైదరాబాద్సిటీ, వెలుగు: గ్రేటర్పై పెరుగుతున్న ట్రాఫిక్ ఒత్తిడిని తగ్గించడానికి, అభివృద్ధి వికేంద్రీకరణ కోసం ఔటర్ రింగ్ రోడ్అవతల శాటిలైట్ టౌన్షిప్ల నిర్మాణాన్ని ప్రోత్సహించాలని ప్రభుత్వం నిర్ణయించింది. ఇందులో భాగంగా టౌన్షిప్ల కోసం దరఖాస్తు చేసుకున్న వారికి హెచ్ఎండీఏ వెంటనే అనుమతులివ్వనున్నది. ఇప్పటికే టౌన్షిప్ పాలసీ కూడా రూపొందించింది.
టౌన్షిప్ల నిర్మాణానికి ఎంత భూమి ఉండాలి? పర్మిషన్లకు ఏఏ పత్రాలు జత చేయాలి? ఎంత ఫీజు కట్టాలన్న దానిపై ఇప్పటికే హెచ్ఎండీఏ విధి విధానాలు రూపొందించింది. కేవలం ప్రైవేట్వ్యక్తులను ప్రోత్సహించడమే కాకుండా ప్రైవేట్ భాగస్వామ్యంతో టౌన్షిప్ల అభివృద్ధి చేయాలని ప్రణాళికలు రూపొందించింది. దీనికి సంబంధించి కొంతకాలం కిందటే అధికారులు నోటిఫికేషన్ జారీ చేశారు.
ఎంత భూమి కావాలంటే...
ఔటర్ శివార్లలో టౌన్ షిప్ల నిర్మించాలనుకునే వారు కనీసం 100 ఎకరాలు కలిగి ఉండాలని హెచ్ఎండీఏ రూల్పెట్టింది. ఇంటిగ్రేటెడ్ టౌన్షిప్పాలసీలో దీన్ని మెన్షన్ చేశారు. కొన్ని నెలల క్రితం నోటిఫికేషన్ ఇష్యూ చేసినప్పుడు రెండు సంస్థలు టౌన్ షిప్ల నిర్మాణానికి ముందుకు వచ్చాయని ఆఫీసర్లు చెప్పారు. రంగారెడ్డి జిల్లా శంషాబాద్ మండలం దామర్లపల్లిలో 500 ఎకరాల్లో టౌన్షిప్నిర్మాణానికి ఒక సంస్థ దరఖాస్తు చేసుకోగా, మరో సంస్థ 100 ఎకరాల్లో నిర్మాణానికి అప్లికేషన్పెట్టుకుందని అధికారులు తెలిపారు.
అయితే టౌన్షిప్లకు వంద అడుగుల అప్రోచ్రోడ్ కూడాతప్పనిసరిగా ఉండాలని, నోటిఫికేషన్లో పొందుపర్చిన మౌలిక వసతులన్నీ కూడా కచ్చితంగా అమలు చేయాలని కూడా నిబంధన విధించినట్టు తెలిపారు. టౌన్షిప్ల నిర్మాణానికి చేంజ్ ల్యాండ్(భూ మార్పిడి) అనుమతులు అవసరం లేదని స్పష్టం చేసింది.
ప్రభుత్వ భూముల కోసం వేట..
ప్రైవేట్ సంస్థలు ముందుకు వస్తే ప్రోత్సహించడంతో పాటు హెచ్ఎండీఏ కూడా ప్రైవేట్ భాగస్వామ్యంతో టౌన్షిప్ల నిర్మాణానికి రెడీగా ఉంది. హెచ్ఎండీఏ నిర్మించాలనుకుంటున్న టౌన్షిప్ల కోసం ప్రభుత్వ భూములు ఎక్కడెక్కడ ఉన్నాయని ఆరా తీస్తోంది. టౌన్షిప్లలో తప్పనిసరిగా ఆట స్థలాలు, రోడ్లు, ప్రజా రవాణా, హాస్పిటల్స్, షాపింగ్ మాల్స్, కాలుష్యం లేని పరిశ్రమల ఏర్పాటు కూడా తప్పనిసరి అని స్పష్టం చేస్తోంది. అభివృద్ధిని నగరంతో సరిపెట్టకుండా నలుదిశలా విస్తరించాలనే ప్లాన్లో భాగంగానే ప్రభుత్వం ఈ ఉపాయం చేసింది.
