- రూల్స్కు విరుద్ధంగా ప్రైవేట్హాస్పిటల్ నిర్వహణ
- పేషెంట్ చెల్లెలిపై లైంగిక వేధింపులు
- ఏపీలో అదుపులోకి తీసుకున్న అక్కడి పోలీసులు
సత్తుపల్లి, వెలుగు: వైద్యం కోసం వచ్చిన ఓ పేషెంట్ అటెండెంట్తో అసభ్యంగా ప్రవర్తించిన సత్తుపల్లి డివిజన్ డిప్యూటీ డీఎంహెచ్వో టి.సీతారామ్ను మంగళవారం ఆంధ్రప్రదేశ్పోలీసులు అరెస్ట్ చేశారు. సీతారామ్ రూల్స్కు విరుద్ధంగా ఆంధ్రప్రదేశ్ లోని ఎన్టీఆర్జిల్లా విసన్నపేటలో కీర్తన జనరల్ దవాఖాన ఏర్పాటు చేసి ప్రాక్టీస్ చేస్తున్నారు. సత్తుపల్లికి 30 కిలోమీటర్ల దూరంలోనే ఉండడంతో రెండింటిని మేనేజ్ చేస్తున్నాడు. ఈ నెల రెండో తేదీన వైద్యం కోసం వచ్చిన ఓ మహిళను దవాఖానలో అడ్మిట్ చేసుకున్నాడు. పేషెంట్ వెంట అటెండెంట్గా వచ్చిన ఆమె చెల్లెలితో అసభ్యంగా ప్రవర్తించాడు. దీంతో తనను లైంగికంగా వేధించాడని బాధితురాలు పోలీసులకు ఫిర్యాదు చేసింది. ఈ మేరకు విసన్నపేట పోలీసులు మంగళవారం కేసు నమోదు చేసి డాక్టర్ సీతారామ్ ను అరెస్ట్ చేశారు. ఈ విషయమై వివరాలు తెలుసుకునేందుకు డీఎంహెచ్వోను ఫోన్లో సంప్రదించగా ఆయన స్పందించలేదు.
