వేంసూరు, వెలుగు : పనులు పూర్తి చేయకుండా బిల్లులు డ్రా చేశారని కాంట్రాక్టర్ పై డీఎంహెచ్వోకు సత్తుపల్లి ఎమ్మెల్యే మట్టా రాగమయి దయానంద్ ఫిర్యాదు చేశారు. వేంసూరు మండల కేంద్రంలోని పీహెచ్సీని గురువారం ఆమె ఆకస్మికంగా తనిఖీ చేశారు.
గత ప్రభుత్వంలో చేపట్టిన పీహెచ్సీ స్లాబ్ వర్క్ ను కాంట్రాక్టర్పనులను అసంపూర్తిగా చేసి బిల్లులు డ్రా చేసుకోవడంపై ఆగ్రహం వ్యక్తం చేశారు. ఖమ్మం డీఎంహెచ్వో కు ఫోన్ చేసి ఆసుపత్రి భవనం పరిస్థితిని, కాంట్రాక్టర్ నిర్లక్ష్య వైఖరిని వివరించారు. వెంటనే పీహెచ్సీలోచేపట్టాల్సిన పనులను పూర్తి చేసి సదరు కాంట్రాక్టర్ పై చర్యలు తీసుకోవాలని సూచించారు.
