తెలుగులో ఎన్నో చిత్రాల్లో తనదైన నటనతో ఆకట్టుకున్న ‘సత్యం రాజేష్’ హీరోగా మధు సూధన్ రెడ్డి స్వీయ దర్శకత్వంలో తెరకెక్కబోతున్న సినిమా డిసెంబర్ 21న లాంఛనంగా ప్రారంభం కానుంది. ఫుల్ లెన్త్ కామెడీ ఎంటర్ టైనర్ గా రూపొందుతున్న ఈ సినిమాలో ఎమోషన్స్, లవ్, సెంటిమెంట్ ఉండబోతున్నాయి. ‘రుద్రవీణ’ సినిమాతో దర్శకుడిగా పేరు తెచ్చుకున్న మధుసూధన్ రెడ్డి ఈ సినిమాకు డైరెక్టర్.
ఈ సినిమాలో ‘రియా సచ్చదేవా’ హీరోయిన్ గా నటిస్తున్నారు. త్వరలో ఈ చిత్ర టైటిల్ ఫస్ట్ లుక్ విడుదల చేయనున్నారు. మంచి కథ, కథనాలతో తెరకెక్కుతున్న ఈ మూవీ అన్ని వర్గాల ప్రేక్షకులను దృష్టిలో ఉంచుకొని రూపొందించబడుతుందని చిత్ర యూనిట్ వెల్లడించింది. ఈ సినిమా గురించి మరిన్ని విశేషాలు చిత్ర యూనిట్ త్వరలో తెలియజేయనుంది.
