నిజామాబాద్, వెలుగు: నకిలీ డాక్యుమెంట్లతో పాస్పోర్టులు తయారు చేసిన కేసులో స్పెషల్ బ్రాంచ్ (ఎస్బీ) ఏఎస్ఐ లక్ష్మణ్ ను హైదరాబాద్ సీఐడీ పోలీసులు మంగళవారంఅరెస్టు చేశారు. నిజామాబాద్ నగరంలోని గంగాస్థాన్ కాలనీలో నివాసముంటున్న ఆయన ఇంటికి సీఐడీ పోలీసులు ఉదయం చేరుకుని లక్ష్మణ్ ను అరెస్టు చేశారు. జిల్లాలోని మాక్లూర్, నవీపేట మండలాలకు ఆయన స్పెషల్ బ్రాంచ్ ఇన్చార్జిగా వ్యవహరిస్తున్నారు.
పాస్పోర్టులు పొందడానికి డాక్యుమెంట్ల స్థానంలో బోగస్ పత్రాలు తయారు చేశారని ఆయనపై ఆరోపణలు ఉన్నాయి. ఈ కేసులో ఆయా జిల్లాలకు చెందిన 14 మందిని ఇప్పటికే అరెస్టు చేయగా జిల్లాలోని భీంగల్కు చెందిన సుభాష్ కూడా వారిలో ఉన్నారు. సుభాష్ను విచారించిన తరువాత లక్ష్మణ్ను అరెస్టు చేశారు. అనంతరం ఆయనను హైదరాబాద్ తీసుకెళ్లారు.
