- ఇంటి లోన్తో పాటే సోలార్ ప్యానెళ్లు
- ఎస్బీఐ నిర్ణయం
ముంబై : ఇక నుంచి ఇవ్వబోయే హౌసింగ్ లోన్లకు పైకప్పు సోలార్ ఇన్స్టాలేషన్లను తప్పనిసరి చేయాలని ఎస్బీఐ నిర్ణయించింది. మల్టీలేటర్ ఏజెన్సీల నుంచి తీసుకున్న లాంగ్ టర్మ్ క్లైమేట్ యాక్షన్ ఫండ్స్ నుంచి ఇచ్చే లోన్లకు ఈ రూల్ వర్తిస్తుంది. ఈ ఏడాది జూన్ నాటికి ఎస్బీఐ హోంలోన్ బుక్ విలువ రూ.6.3 లక్షల కోట్లు కాగా, మల్టిలేటరల్ ఏజెన్సీల నుంచి తీసుకున్న అప్పుల విలువ 2.3 బిలియన్ డాలర్లు (దాదాపు రూ.19,119 కోట్లు) ఉంది.
ALSO READ: విముక్త పోరాట వీరుల యాదిలో..సెప్టెంబర్ 17న తెలంగాణ విమోచన దినోత్సవం
వరల్డ్బ్యాంక్, ఆసియన్ డెవెలప్మెంట్ బ్యాంక్, కేఎఫ్డబ్ల్యూ వంటి ఏజెన్సీల నుంచి ఈ డబ్బును తీసుకుంది. గ్రీన్ఫండ్స్ నుంచి లోన్ ఇస్తే రూఫ్ టాప్ సోలార్ ఇన్స్టాలేషన్లను అమర్చుకోవాల్సి ఉంటుందని ఎస్బీఐ సీనియర్ ఎగ్జిక్యూటివ్ అశ్వినీ కుమార్ తివారీ చెప్పారు. 10 ఏళ్లు, 20 ఏళ్ల వ్యవధితో ఇలాంటి లోన్లను ఇస్తామని చెప్పారు. గ్రీన్బిల్డింగ్స్కు, బ్యాటరీ రీసైక్లింగ్కు, సోలార్ రూఫ్టాప్లకు లోన్లను భారీగా పెంచుతున్నామని ఆయన వివరించారు.
