న్యూఢిల్లీ: ఎస్బీఐ ప్రస్తుత ఆర్థిక సంవత్సరంలో దేశవ్యాప్తంగా 300 బ్రాంచ్లను ప్రారంభించాలని యోచిస్తోంది. సంస్థకు ప్రస్తుతం దేశవ్యాప్తంగా 22,405 బ్రాంచ్లు, 235 విదేశీ బ్రాంచ్లు, ఆఫీసులు ఉన్నాయి. "మేం మా డిజిటల్ కార్యకలాపాలను విస్తరించాలని చూస్తున్నాం. ప్రస్తుత ఆర్థిక సంవత్సరంలో సుమారు 300 బ్రాంచ్లను తెరుస్తాం.
అవి ఎక్కడ అవసరం అనేది త్వరలోనే నిర్ణయిస్తాం. మరింత మంది బిజినెస్ కరస్పాండెంట్‌‌‌‌‌‌‌‌లను కూడా నియమించుకుంటాం”" అని ఎస్బీఐ ఛైర్మన్ దినేష్ ఖరా తెలిపారు. ప్రస్తుత ఆర్థిక సంవత్సరంలో బ్యాంక్ నికర వడ్డీ మార్జిన్ దాదాపు 3.5 శాతంగా ఉంటుందని తెలిపారు.
ఎన్పీఏలు తగ్గడం, లోన్లు పెరగడం, అధిక వడ్డీ రేటు కారణంగా ప్రస్తుత ఆర్థిక సంవత్సరం మొదటి క్వార్టర్ ఎస్బీఐ రూ.16,884 కోట్ల లాభాన్ని సాధించింది.
