SBI కస్టమర్లకు షాకిచ్చింది. వడ్డీ రేటును10 బేసిస్ పాయింట్లు పెంచింది. దీంతో రుణాలు తీసుకోవడం మరింత ఖరీదు కానున్నాయి. భారత దేశంలో అతిపెద్ద ప్రభుత్వ రంగ సంస్థ అయిన ఈ బ్యాంకు బేసిస్ పాయింట్లలో మూడు నెలల్లో వరుసగా పెంచింది. SBI ఆగస్టు15, 2024 నుంచి రుణ రేట్లను 10 బేసిస్ పాయింట్లు పెంచింది. ఎస్‌బీఐ వరుసగా మూడో నెల వడ్డీరేట్లను పెంచింది. కొత్త MCLR రేట్లు 8.20శాతం నుంచి 9.10శాతం వరకు ఉంటాయి.
నిర్దిష్ట రుణ వ్యవధుల కోసం నిధుల ఆధారిత రుణ రేటు (MCLR) మార్జినల్ కాస్ట్‌ను స్టేట్ బ్యాంక్ ఆఫ్ ఇండియా మరోసారి 10 బేసిస్ పాయింట్లు పెంచింది. దీంతో ఆటో , గృహ రుణాల వంటి రుణాలు కస్టమర్లకు మరింత భారం కానున్నాయి. ఇది రుణగ్రహీతలకు అదనపు ఖర్చులకు దారి తీస్తుంది. ఈ వడ్డీరేట్ల పెంపు ఆగస్టు 15, 2024 నుంచి అమలులోకి వచ్చింది. SBI చివరిసారిగా వడ్డీరేట్లను జూన్ 2024లో పెంచింది.
వివిధ రకాల రుణాలపై వడ్డీ రేట్లను సెట్ చేయడానికి ఉపయోగించే ఫండ్స్ బేస్డ్ లెండింగ్ రేట్ (MCLR) మార్జినల్ కాస్ట్‌ను సర్దుబాటు ప్రభావితం చేస్తుంది. కొత్త MCLR రేట్లు మునుపటి వాటితో ఎలా పోలుస్తాయో చూద్దాం..
- ఓవర్‌నైట్ MCLR: 8.10శాతం నుంచి 8.20శాతం
- ఒక నెల MCLR: 8.35శాతం నుంచి 8.45శాతం
- మూడు నెలల MCLR: 8.40శాతం నుంచి 8.50శాతం
- ఆరు నెలల MCLR: 8.75శాతం నుంచి 8.85శాతం
- ఒక సంవత్సరం MCLR: 8.85శాతం నుంచి 8.95శాతం
- రెండు సంవత్సరాల MCLR: 8.95శాతం నుంచి 9.05శాతం
- మూడు సంవత్సరాల MCLR: 9.00శాతం నుంచి 9.10శాతం
ఈ రేట్ల పెంపు ఇతర ప్రభుత్వ రంగ బ్యాంకుల చర్యలను అనుసరించింది. ఉదాహరణకు బ్యాంక్ ఆఫ్ బరోడా , కెనరా బ్యాంక్ కూడా తమ రుణ రేట్లను పెంచాయి. ఆగస్టు 12, 2024 నుంచి అమలులోకి వస్తుంది. UCO బ్యాంక్ ఆగస్టు 10, 2024 నుంచి వడ్డిరేట్లలో మార్పులు అమలు చేస్తుంది.
రిజర్వ్ బ్యాంక్ ఆఫ్ ఇండియా (RBI) ఆగస్టు 8న జరిగిన ద్రవ్య విధాన కమిటీ (MPC) సమావేశంలో బెంచ్‌మార్క్ రెపో రేటును 6.5శాతం వద్ద స్థిరంగా ఉంచింది. RBI స్టాండింగ్ డిపాజిట్ ఫెసిలిటీ (SDF) రేటును 6.25శాతం వద్ద మార్జినల్ స్టాండింగ్ ఫెసిలిటీని కూడా ఉంచింది.
