- బాధితులకు అండగా ఎస్సీ, ఎస్టీ కమిషన్
- చైర్మన్ బక్కి వెంకటయ్య
నిజామాబాద్, వెలుగు: 41సీఆర్పీసీ కింద స్టేషన్ బెయిల్స్ ఇవ్వడంతో అట్రాసిటీ కేసులు నీరుగారిపోయే ప్రమాదముందని ఎస్సీ, ఎస్టీ కమిషన్ చైర్మన్ బక్కి వెంకటయ్య అభిప్రాయపడ్డారు. ఈ విషయాన్ని తాను సీఎం రేవంత్రెడ్డి దృష్టికి తీసుకెళ్లానని త్వరలో కేంద్ర సాంఘిక సంక్షేమం, న్యాయశాఖ మంత్రిని కలిసి సవరణలు కోరతానన్నారు. శుక్రవారం ఆయన కలెక్టరేట్లో ఆఫీసర్లతో మీటింగ్ నిర్వహించి మాట్లాడారు. జిల్లాలోని కొన్ని ప్రాంతాలలో అణగారిన వర్గాలపై విలేజ్ డెవలప్ కమిటీలు పెత్తనం చేయడం సరికాదని, అలా చేస్తే తాము జోక్యం చేసుకోవాల్సి వస్తుందని హెచ్చరించారు.
ఎస్సీ, ఎస్టీలకు కమిషన్ అండగా ఉంటుందని, అధికారులు వేధించినా యాక్షన్ తీసుకుంటామని భరోసా ఇచ్చారు. జిల్లాలో నమోదైన అట్రాసిటీ కేసులను నెలలో పరిష్కరించాలని, అవసరమైతే స్పెషల్ డ్రైవ్ చేపట్టాలని సూచించారు. ప్రతీనెల చివరివారం సివిల్ రైట్స్డే, ప్రతీ మూడునెలలకోసారి మానిటరింగ్కమిటీ మీటింగ్విధిగా నిర్వహించాలన్నారు. కమిషన్సభ్యులు రాంబాబు నాయక్, లక్ష్మీనారాయణ, రేణిగుంట ప్రవీణ్, నీలాదేవీ, కలెక్టర్ రాజీవ్ గాంధీ హనుమంతు, సీపీ కల్మేశ్వర్, అదనపు కలెక్టర్లు అంకిత్, కిరణ్కుమార్, డీఎస్డీవో నిర్మల, ఆయా శాఖల ఆఫీసర్లు పాల్గొన్నారు.
