బాసర త్రిపుల్ ఐటీలో ఎస్సీ, ఎస్టీ కమిషన్ పర్యటించింది. కనీస సౌకర్యాలు లేక విద్యార్థులు చాలా ఇబ్బందులు పడుతున్నారని.. చీఫ్ వార్డెన్ శ్రీధర్ పిల్లలను ఇబ్బంది పెడుతున్నారని ఆరోపణలు వచ్చాయి. అసభ్యకరంగా ప్రవర్తించిన చీఫ్ వార్డెన్ శ్రీధర్పై అధికంగా ఫిర్యాదులు రావడంతో విధుల నుంచి తొలగించాలని ఆదేశాలు జారీ చేశారు. ఫ్యాకల్టీల కొరత.. సరిపడ కేర్ టేకర్లు లేరని విద్యార్థులు ఎస్సీ, ఎస్టీ కమిషన్ కు తెలిపారు. ముందుగా తాము విజిట్ చేసేందుకు వస్తున్నామని సమాచారం ఇచ్చినా.. చీఫ్ వార్డెన్ శ్రీధర్ కమిషన్ ఎదుట హాజరు కాకపోవడంతో అధికారులు సీరియస్ అయ్యారు.
బాసర త్రిపుల్ ఐటీలో 6 వేల బాలికలు విధ్యనభ్యసిస్తుండగా... కేవలం నలుగురు మాత్రమే కేర్ టేకర్లు ఉండటంపై కమిషన్ అధికారులు ఆగ్రహం వ్యక్తం చేశారు. కేర్టేకర్లను పెంచాలని ఆదేశాలు జారీచేశారు. కళాశాలలో సరిపడ ఫ్యాకల్టీ లేరని... ఉన్నత విద్యలో చాలా ఇబ్బందులు పడుతున్నామని విద్యార్థులు ఫిర్యాదు చేశారు. ఈ విషయంలో ఇంఛార్జ్ వీసీ వెంకటరమణ సమాధానం ఇస్తూ ప్రభుత్వం ఫ్యాకల్టీలను నియమించేలా కసరత్తు చేస్తుందని.. కమిషన్ కు వివరించారు. విద్యార్థినిలతో అసభ్యకరంగా ప్రవర్తించిన చీఫ్ వార్డెన్ శ్రీధర్పై అధికంగా ఫిర్యాదులు రావడంతో విధుల నుంచి తొలగించాలని ఆదేశాలు జారీ చేశారు.
