- వర్గీకరణను వ్యతిరేకిస్తున్నట్లు వెల్లడి
ఖైరతాబాద్, వెలుగు : ఎస్సీ వర్గీకరణ కమిషన్చైర్మన్జస్టిస్ షమిమ్అక్తర్ను ఎస్సీ, ఎస్టీ ప్రజా సంఘాల ఐక్యవేదిక నేతల బృందం బుధవారం కలిసింది. వర్గీకరణను తాము అనుమతించేది లేదంటూ బృందం నేతలు తెలిపారు. ఈ మేరకు చైర్మన్షమిమ్అక్తర్కు వినతి పత్రం అందజేశారు. అనంతరం వారు మాట్లాడుతూ.. తమ సమస్యను వన్ మెన్ కమిషన్ దృష్టికి తీసుకెళ్లామని తెలిపారు. ప్రస్తుతం డిమాండ్ చేస్తున్న విధంగా వర్టికల్వర్గీకరణ కాకుండా హారిజంటల్ వర్గీకరణతో నిరుపేదలకు న్యాయం జరుగుతుందన్నారు.
ఆర్టికల్ 341, 342 ఎస్సీ ,ఎస్టీలకు రిజర్వడ్ కేటగిరీలో ఉప వర్గీకరణ చేయడం రాజ్యాంగానికి, రిజర్వేషన్ల స్ఫూర్తికి, అంబేద్కర్ ఆలోచనా విధానానికి వ్యతిరేకమని కమిషన్ కు తెలియజేశారు. అంటరానితనంతో వచ్చిన రిజర్వేషన్లను ఆర్థిక స్థితులకు ముడిపెట్టడం సరికాదన్నారు. కులాల మధ్య అసమానతల సమస్యకు వర్గీకరణ పరిష్కార మార్గం కాదన్నారు.
కమిషన్చైర్మన్కు వినతి పత్రం అందజేసిన వారిలో ఎస్సీ, ఎస్టీ ప్రజా సంఘాల ఐక్య వేదిక అధ్యక్షుడు చెట్లపల్లి అరుణ్కుమార్, అంబేద్కర్ ఉత్సవాల కమిటీ మాజీ అధ్యక్షుడు రావుల విజయ్కుమార్, మాల సంక్షేమ సంఘం రాష్ట్ర అధ్యక్షుడు బత్తుల రాంప్రసాద్, సంఘం జిల్లా అధ్యక్ష, కార్యదర్శులు చొక్కంపేట ఆంజనేయులు, మన్నెగూడెం వేణు గోపాల్, సివిల్ సప్లై కమిటీ సభ్యుడు కల్పగురి రాజేశ్ ఉన్నారు.
