రెండు నెలలుగా అభిమానులని అలరిస్తూ వస్తున్న ఐపీఎల్ క్లైమాక్స్ కు చేరుకుంది. లీగ్ మ్యాచ్ లు అన్ని పూర్తి కాగా మంగళవారం (మే 21) నుంచి ప్లే ఆఫ్స్ మ్యాచ్ లు మొదలు కానున్నాయి. కోల్ కతా నైట్ రైడర్స్ 20 పాయింట్లతో పాయింట్ల పట్టికలో టాప్ లో నిలిచింది. సన్ రైజర్స్ హైదరాబాద్ 17 పాయింట్లతో రెండో స్థానంలో ఉంది. 17 పాయింట్లతో రాజస్థాన్ రాయల్స్ మూడో స్థానానికి పరిమితమైతే.. రాయల్ ఛాలెంజర్స్ బెంగళూరు 14 పాయింట్లతో ప్లే ఆఫ్ స్థానాన్ని దక్కించుకున్న నాలుగో జట్టుగా నిలిచింది.
ఈ నాలుగు జట్లు టైటిల్ కోసం పోరాడనున్నాయి. మ్యాచ్ లన్ని సాయంత్రం 7:30 నిమిషాలకు జరుగుతాయి. మొబైల్స్ లో జియో సినిమాలో, టీవీలో స్టార్ స్పోర్ట్స్ లో ప్రత్యక్ష ప్రసారమవుతాయి.
ఐపీఎల్ ప్లే ఆఫ్స్ షెడ్యూల్
క్వాలిఫైయర్ 1:
KKR vs SRH - మే 21 (మంగళవారం) అహ్మదాబాద్‌లోని నరేంద్ర మోడీ స్టేడియంలో జరుగుతుంది. తొలి రెండు స్థానాల్లో నిలిచిన కేకేఆర్, సన్ రైజర్స్ ఈ మ్యాచ్ లో తలపడతాయి. గెలిచిన జట్టు నేరుగా ఫైనల్ కు వెళ్తుంది. ఓడిన జట్టు ఎలిమినేటర్ లో గెలిచిన జట్టుతో మ్యాచ్ ఆడుతుంది. ఈ మ్యాచ్ లో గెలిచిన జట్టు ఫైనల్ కు వెళ్తుంది.
ఎలిమినేటర్:
RR vs RCB - మే 22 (బుధవారం) అహ్మదాబాద్‌లోని నరేంద్ర మోడీ స్టేడియంలో జరుగుతుంది. ఈ మ్యాచ్ లో ఓడిపోయిన జట్టు టోర్నీ నుంచి నిష్క్రమిస్తుంది. గెలిచిన జట్టు క్వాలిఫయర్ 1 లో ఓడిన జట్టుతో క్వాలిఫయర్ 2 ఆడుతుంది. ఈ మ్యాచ్ లో గెలిస్తే ఫైనల్ బెర్త్ ఖరారవుతుంది.
క్వాలిఫైయర్ 2:
క్వాలిఫయర్ 1లో ఓడిన జట్టు vs ఎలిమినేటర్ విజేత - మే 24 (శుక్రవారం) చెన్నైలోని MA చిదంబరం స్టేడియంలో జరుగుతుంది. గెలిచిన జట్టు నేరుగా ఫైనల్ కు వెళ్తుంది. ఓడిపోతే టోర్నీ నుంచి నిష్క్రమిస్తుంది.
ఫైనల్:
క్వాలిఫయర్ 1లో విజేత vs క్వాలిఫయర్ 1లో విజేత - మే 26 (ఆదివారం) చెన్నైలోని ఎంఏ చిదంబరం స్టేడియంలో జరుగుతుంది.
