మేడ్చల్ జిల్లా దుండిగల్ పీఎస్ పరిధిలోని మల్లంపేటలో దారుణం జరిగింది. ఓ ప్రైవేట్ స్కూల్ లో ఫస్ట్ క్లాస్ చదువుతున్న మహన్విత(5)పై స్కూల్ బస్సు వెళ్లింది. దీంతో అక్కడిక్కడే మృతి చెందింది. స్కూల్ యాజమాన్యం డ్రైవర్ ను అక్కడినుంచి పంపిచింది. బస్సునుండి జారిపడి మృతిచెందిందని తల్లిదండ్రులకు సమాచారం ఇచ్చింది స్కూల్ యాజమాన్యం..
అయితే కేసును తప్పుదోవపట్టించేందుకు యత్నిస్తున్నారని చిన్నారి తల్లిదండ్రులు ఆరోపిస్తున్నారు. ఈ మేరకు పోలీసులకు ఫిర్యాదు చేశారు . చిన్నారి మృతితో కన్నీరుమున్నీరవుతున్నారు తల్లిదండ్రులు. ఘటనా స్థలానికి వచ్చిన పోలీసులు కేసు నమోదు చేసుకుని దర్యాప్తు చేస్తున్నారు.
