చేవెళ్ల, వెలుగు: చేవెళ్ల మండలంలోని చన్ వెళ్లి అనుబంధ గ్రామం ఇక్కరెడ్డిగూడ శివారులో మంగళవారం ఉదయం స్థానిక సిల్వర్ డే స్కూల్ బస్సు అదుపుతప్పింది. రోడ్డు పక్కనున్న గుంతలోకి దూసుకెళ్లింది. ఈ ప్రమాదం నుంచి విద్యార్థులు క్షేమంగా బయటపడ్డారు.7వ తరగతి చదువుతున్న వర్షిత వాంతులు చేసుకోగా.. ఆమెను ఆస్పత్రికి తరలించారు. స్థానికులు, తల్లిదండ్రులు తెలిపిన వివరాల ప్రకారం.. సిల్వర్ డే స్కూల్ బస్సు ఉదయం విద్యార్థులను ఎక్కించుకొని వెళ్తుండగా ప్రమాదం జరిగింది.
విషయం తెలుసుకున్న పేరెంట్స్ అక్కడికి చేరుకున్నారు. పరిమితికి మించి పిల్లలను ఎక్కించుకున్నారని, అతివేగంగా డ్రైవ్ చేయడం వల్లే ప్రమాదం జరిగిందని పేరెంట్స్ ఆరోపించారు. సమాచారం తెలుసుకున్న ఆర్డీఓ ఘటనాస్థలానికి చేరుకొని బస్సును పరిశీలించారు. బస్సుకు పిట్నెట్ లేకపోవడంతో సీజ్ చేసి పోలీస్ స్టేషనకు తరaించారు. కొన్ని రోజుల ముందు శ్రీ చైతన్య టెక్నో స్కూల్ బస్సు ప్రమాదం జరిగిందని, ఇప్పుడు ఈ ఘటన జరగడంపై విచారణ జరపాలని పీడీఎస్యూ చేవెళ్ల డివిజన్ సహాయ కార్యదర్శి పంబలి ప్రభాస్ డిమాండ్ చేశారు.
