శామీర్ పేట, వెలుగు: క్రికెట్ ఆడుకునేందుకు పర్మిషన్ ఇవ్వాలని అడిగినందుకు స్కూల్ చైర్మన్ కొడుకు స్టూడెంట్లను చితకబాదాడు. ఈ ఘటన శామీర్ పేట పీఎస్పరిధిలో జరిగింది. శామీర్ పేటలోని సెయింట్ పాల్ ఇంటర్నేషనల్ పాఠశాల హాస్టల్ లో ఉంటున్న ఆరుగురు స్టూడెంట్లు గత నెల 28న క్రికెట్ఆడుకునేందుకు పర్మిషన్ఇవ్వాలని చైర్మన్కొడుకు అభిలాశ్ను అడిగారు.
పర్మిషన్ ఇవ్వకపోగా సదరు స్టూడెంట్లకు వాతలు పడేలా కొట్టాడు. కొట్టినట్లు పేరెంట్స్తో చెబితే చంపుతానని బెదిరించాడు. బాధిత స్టూడెంట్లలో ముగ్గురు ఇటీవల ఇండ్లకు వెళ్లారు. వారి ద్వారా విషయం తెలుసుకున్న తల్లిదండ్రులు పిల్లలతో కలిసి సోమవారం అభిలాశ్పై డీఈఓకు, శామీర్పేట పీఎస్లో ఫిర్యాదు చేశారు.
