నర్వ, వెలుగు: మండలంలోని పాతర్చేడ్ గ్రామంలో శుక్రవారం మక్తల్ బీఆర్ఎస్ నేత వీజేఆర్ ఫౌండేషన్ అధినేత వర్కటం జగన్నాథ్ రెడ్డి హైస్కూల్ విద్యార్థినులకు 100 సైకిళ్లను పంపిణీ చేశారు. అయితే ఈ కార్యక్రమానికి స్కూల్ టీచర్లు అడ్డుచెప్పడం వివాదాస్పదంగా మారింది. కలెక్టర్ పర్మిషన్ లేకుండా పంపిణీ చేయవద్దని అడ్డుకున్నారు. దీంతో పేరెంట్స్ ఉపాద్యాయులపై తిరగబడి ఒక మంచి పని చేస్తుంటే అడ్డుకోవడం ఏమిటని నిలదీశారు. ఎవరు వచ్చి ఆపుతారో చూస్తామని గ్రామస్తులు దగ్గరుండి సైకిళ్లు పంపిణీ చేశారు. దీంతో టీచర్లు అక్కడి నుంచి వెళ్లిపోయారు.
విద్యార్థులకు అండగా ఉంటాం
ఊట్కూర్: విద్యార్థులకు అండగా ఉంటామని వీజేఆర్ ఫౌండేషన్ అధినేత జగన్నాథ్ రెడ్డి తెలిపారు. మండల కేంద్రంలోని గవర్నమెంట్ జూనియర్ కాలేజీలో బోర్ రిపేర్ కోసం రూ.25 వేలు అందజేశారు. సమస్యలు తెలుసుకొని వాటిని పరిష్కరిస్తానని భరోసా ఇచ్చారు. ప్రిన్సిపాల్ అంబాజీ, లెక్చరర్లు సత్యనారాయణ, బసయ్య, మంజునాథ్, కల్పన, అశోక్, మహేశ్ పాల్గొన్నారు.
