స్టూడెంట్లు వారిలో ఉన్న ప్రతిభను, క్రియేటివిటీని బయటపెట్టారు. మహబూబ్నగర్లోని ఫాతిమా స్కూల్లో సోమవారం నిర్వహించిన సైన్స్ఫెయిర్లో ఆకట్టుకునేలా ప్రదర్శనలు ఇచ్చి శెభాష్ అనిపించుకున్నారు. ఆయా ఎగ్జిబిట్ల గురించి అందులోని శాస్త్రీయ విషయాల గురించి చక్కగా వివరించారు. జిల్లాలోని అన్ని మండలాల నుంచి 342 ఎగ్జిబిట్స్ ప్రదర్శించారు.
స్మార్ట్ గ్లౌజ్
హన్వాడ జడ్పీహెచ్ఎస్లో 9వ తరగతి చదువుతున్న అనూష ఈ స్మార్ట్ గ్లౌజ్ను తయారు చేసింది. ఇది డెఫ్ అండ్ డమ్ వాళ్లకు పనికొచ్చే పరికరం. ఈ గ్లౌజ్ను చేతికి తొడుక్కోవడం వల్ల మూగ, చెవిటి వాళ్లకు చుట్టూ వచ్చే శబ్దాలలో వైబ్రేటింగ్ ద్వారా, పక్క పక్కనున్నవారు మాట్లాడుకునే వాయిస్ టెక్స్ట్ద్వారా మెసేజ్లు పంపుతుంది. దీన్ని ఇంకా అందుబాటులోకి తీసుకురాలేదు. తయారీకి రూ.1.5 నుంచి 2 లక్షల వరకు ఖర్చు అవుతుందని అనూష చెప్పింది.
ఎల్పీజీ గ్యాస్ లీకేజ్ డిటెక్టర్, ఆటోమెటిక్ ఆఫ్
మహబూబ్నగర్ మండలం ఎదిర జడ్పీహెచ్ఎస్లో టెన్త్ క్లాస్ స్టూడెంట్కావ్య ఎల్పీజీ గ్యాస్ లీకేజీ డిటెక్టర్, ఆటోమేటిక్ఆఫ్ ప్రదర్శనను ఇచ్చింది. గ్యాస్ప్రమాదాల నివారణకు ఈ పరికరం ఉపయోగపడుతుంది. ఎలుకలు గ్యాస్ పైపును కొరకడం వల్ల ఏర్పడే గ్యాస్ లీకేజీ, పొయ్యిపై వంటలు చేస్తున్నప్పుడు నీళ్లు పొంగినప్పుడు, పాలు పొంగినప్పుడు ఏర్పడ గ్యాస్ లీకేజీలను ఇది గుర్తిస్తుంది. అలారం మోగి, ఆటోమెటిక్గా గ్యాస్ ఆఫ్ అవుతుంది.
కెనాల్స్పై సోలార్ కరెంట్
గండీడ్ మండలం కొమిరెడ్డిపల్లి జడ్పీ హైస్కూల్లో 9వ తరగతి చదువుతున్న కె.శివశంకర్ కెనాల్స్పై సోలార్కరెంట్ ప్రజంటేషన్ను ఇచ్చాడు. వన్ మెగా యూనిట్ కరెంటు ఉత్పత్తికి 9 మిలియన్ల నీటిని వాడాల్సి ఉంటుంది. సోలార్ ప్యానల్స్ను కెనాల్స్పై ఏర్పాటు చేయడం వల్ల అటు కరెంటు తయారీతో పాటు ఇటు నీటి వృథాను అరికట్టవచ్చు.
టెక్నాలజీ, ఇన్నోవేషన్
మహబూబ్నగర్ డైట్ కాలేజీలో చదువుతున్న టి.పరిమళ టెక్నాలజీ, ఇన్నోవేషన్ ప్రదర్శనను ఇచ్చారు. ఇందులో త్రీ ఆల్టర్నెటివ్మెథడ్స్తో ఓపెన్ బోరు బావుల వద్ద జరిగే ప్రమాదాలను ముందస్తుగా గుర్తించవచ్చు. బోరు బావుల వద్ద సెన్సార్లు ఏర్పాటు చేయడం వల్ల.. బావుల వద్దకు పిల్లలు వస్తున్నారనే సమాచారం వారి తల్లిదండ్రులకు అలర్ట్ మెస్సేజ్ పంపుతుంది. అలాగే ఓపెన్ బోర్లలో నెట్ ఏర్పాటు, బోర్ వితౌట్ కేజింగ్ ఏర్పాటు చేయడం వల్ల చిన్న పిల్లలు ఓపెన్ బోరు బావుల్లో పడిపోకుండా కాపాడొచ్చు.
