మనిషి మెదడు మరో మెదడుని తయారు చేస్తోంది. వినడానికి.. నమ్మడానికి కాస్త విడ్డూరంగా ఉన్నా జరిగింది ఇదే.. నెదర్లాండ్స్‌లోని ఉట్రెచ్ట్ విశ్వవిద్యాలయం, దక్షిణ కొరియాలోని సోగాంగ్ విశ్వవిద్యాలయం కలిసి ఓ కృతిమ మెదడుని తయారు చేశాయి. ఈ రీసెర్చ్ ఫలితాలు నేషనల్ అకాడమీ ఆఫ్ సైన్సెస్ ప్రొసీడింగ్స్ జర్నల్‌లో ప్రచురించబడ్డాయి.
ఈ ఆర్టిఫీషియల్ బ్రెయిన్ తయారీలో నీరు, ఉప్పును వాడారంట.. సినాప్సెస్ అని పిలువబడే కృత్రిమ నరాల జంక్షన్‌ను సృష్టించి దానికి అయోంట్రానిక్ మెమ్రిస్టర్ పేరు పెట్టారు. ఇది కోన్ షేప్ లో ఉండి.. మనిషి 4 వెంట్రుకల మందం (150- 200 మైక్రోమీటర్ల వెడల్పు) పరిమాణంలో ఉంటుంది. మెదడు సమాచారాన్ని చేరవేసే అతిముఖ్యమైన కణాలే సినాప్సెస్.. వీటితోనే హూమన్ బ్రెయిన్ నిర్మాణమై ఉంటుంది.
