స్వదేశీ తొలి యాంటీ పెస్టిసైడ్ బాడీసూట్ కిసాన్ కవచ్ను కేంద్ర మంత్రి జితేంద్రసింగ్ న్యూఢిల్లీలో ఆవిష్కరించారు. కొంత మంది రైతులకు కిసాన్ కవచ్ మొదటి బ్యాచ్ దుస్తులను పంపిణీ చేశారు.పంటలకు పురుగుల మందులను వినియోగించేటప్పుడు హానికారక రసాయనాల ప్రభావానికి గురికాకుండా రైతులకు కిసాన్ కవచ్ దుస్తులు రక్షణ కల్పిస్తాయి. తద్వారా రైతుల్లో తీవ్రమైన ఆరోగ్య సమస్యలు తలెత్తకుండా కిసాన్ కవచ్ కాపాడుతాయి.
డిపార్ట్మెంట్ ఆఫ్ బయోటెక్నాలజీ సహకారంతో బెంగళూరుకు చెందిన బ్రిక్–ఇన్స్టెమ్, సిపియో హెల్త్ ప్రైవేట్ లిమిటెడ్లు సంయుక్తంగా కిసాన్ కవచ్ను తయారుచేశాయి.కిసాన్ కవచ్ ధర రూ.4000. వీటిని ఏడాదిలో 150 సార్లు వాషింగ్ చేసి వినియోగించుకోవచ్చు. దీని అత్యంత ఆధునాతన ఫ్యాబ్రిక్ టెక్నాలజీ పురుగులమందుల ప్రభావాన్ని డీయాక్టివేట్ చేస్తుంది.
