కామారెడ్డి, వెలుగు: కొత్తగా ఓటరు నమోదు, మార్పులు, చేర్పులపై వచ్చిన అప్లికేషన్లపై ఈ నెల 28 వరకు క్షేత్ర స్థాయిలో పరిశీలన చేయనున్నట్లు కామారెడ్డి కలెక్టర్ జితేశ్వి పాటిల్పేర్కొన్నారు. బుధవారం కలెక్టరేట్లో పొలిటికల్ లీడర్లు, ఆఫీసర్లతో మీటింగ్ నిర్వహించారు.
కలెక్టర్ మాట్లాడుతూ.. ఎలాంటి పొరపాట్లు లేని జాబితాను రూపొందించడంలో పొలిటికల్ పార్టీల పాత్ర కీలకమన్నారు. గుర్తింపు పొందిన పార్టీలు బూత్ స్థాయిలో ఏజెంట్లను నియమించుకొని, ఎలాంటి తప్పులు లేని లిస్టు రూపొందేలా సహకరించాలని కోరారు.పొరపాట్లు, తప్పిదాలు ఉంటే వెంటనే రిటర్నింగ్ఆఫీసర్ల దృష్టికి తీసుకురావాలన్నారు.
