వనపర్తి, వెలుగు : లంచం తీసుకుంటూ వనపర్తి విద్యుత్ శాఖ ఎస్ఈ, డీఈ, ఏఈ శుక్రవారం రాత్రి ఏసీబీకి పట్టుబడ్డారు. వనపర్తి జిల్లా కొత్తకోట మండలం నిర్వెన గ్రామం వద్ద ఓ రెస్టారెంట్ కు పోల్ వేయడం, ట్రాన్స్ఫార్మర్, త్రీ ఫేస్ కరెంట్ఇచ్చేందుకు విద్యుత్ ఆఫీస్ అధికారులు.. బాధితుడి లక్ష్మీనారాయణ బంధువు ప్రవీణ్ కుమార్ను రూ.19 వేలు లంచం అడిగారు.
దీంతో ప్రవీణ్ ఏసీబీని ఆశ్రయించాడు. వారి సూచనల మేరకు శుక్రవారం వనపర్తిలోని విద్యుత్ ఆఫీసులో ఎస్ఈ నాగేంద్రకుమార్ సమక్షంలో డీఈ నరేంద్ర కుమార్కు రూ.10 వేలు, ఏఈ మధుకర్ కు రూ.9 వేలు లంచం ఇస్తుండగా ఏసీబీ అధికారులు పట్టుకున్నారు. విచారణ తర్వాత ఎస్ఈ నాగేంద్ర కుమార్, డీఈ నరేంద్రకుమార్, ఏఈ మధుకర్ ను అరెస్ట్ చేశారు.
