- వారంలో 3 వర్సిటీల సమావేశాలు
హైదరాబాద్, వెలుగు: సర్కారు వర్సిటీల్లో వీసీల నియామకం కోసం నిర్వహిస్తున్న సెర్చ్ కమిటీల సమావేశాలు ముగిశాయి. శుక్రవారం జేఎన్టీయూ, శాతవాహన వర్సిటీల భేటీలు పూర్తయ్యాయి. షెడ్యూల్ ప్రకారం ఉదయం 10.30గంటలకు జరగాల్సిన జేఎన్టీయూ సమావేశం మధ్యాహ్నం 12గంటల తర్వాత మొదలైంది. ఆపై శాతవాహన వర్సిటీ సమావేశం జరిగింది.
మధ్యాహ్నం 12గంటలకు జరగాల్సిన తెలంగాణ వర్సిటీ సమావేశం పలుమార్లు వాయిదా పడింది. కాకతీయ వర్సిటీ సమావేశం వాయిదా వేద్దామనుకున్నా.. ఇతర రాష్ట్రాల నుంచి ఓ సభ్యుడు రావడంతో సమావేశం పెట్టాలని భావించారు. కానీ, తెలంగాణ వర్సిటీదే కాకపోవడంతో కేయూ సమావేశం వాయిదా పడింది. కాగా, మొత్తం 10 వర్సిటీలకు గానూ 7 వర్సిటీల సెర్చ్ కమిటీల సమావేశాలు పూర్తయ్యాయి. జేఎన్ఏఎఫ్యూ, కేయూ, తెలంగాణ వర్సిటీల సమావేశాలు వారంలో నిర్వహించనున్నారు.
