మ్యూచువల్ ఫండ్ రూల్స్ పాటించనందుకు ఎడెల్వీస్ అసెట్ మేనేజ్ మెంట్ లిమిటెడ్ కంపెనీకి భారీ జరిమానా విధించింది సెబీ. ఎడెల్వీస్ అసెట్ మేనేజ్‌మెంట్ లిమిటెడ్, దాని సీఈఓ రాధికా గుప్తా, ఫండ్ మేనేజర్ త్రిదీప్ భట్టాచార్యపై క్యాపిటల్ మార్కెట్స్ రెగ్యులేటర్ సెబీ శుక్రవారం (అక్టోబర్ 25) రూ.16 లక్షల జరిమానా చెల్లించాలని ఆదేశించింది.
సెబీ ఆర్డర్ ప్రకారం..వ్యక్తిగతంగా, ఎడెల్వీస్ అసెట్ మేనేజ్‌మెంట్‌పై రూ. 8 లక్షలు , గుప్తా , భట్టాచార్యపై ఒక్కొక్కరికి రూ. 4 లక్షల జరిమానా విధించబడింది. 45 రోజుల్లోగా మొత్తాన్ని చెల్లించాలని ఆదేశించింది. ఎడెల్వీస్ ఫోకస్డ్ ఈక్విటీ ఫండ్ (EFEF) 88 రోజులలో 'గరిష్టంగా 30 స్టాక్‌లలో పెట్టుబడి పెట్టే ఓపెన్ ఎండెడ్ ఈక్విటీ పథకం నిబంధనను ఉల్లంఘించిందని సెబీ పేర్కొంది.
ఈ వారం ప్రారంభంలో ఎడెల్వీస్ అసెట్ మేనేజ్‌మెంట్ మాజీ ఫండ్ మేనేజర్ అభిషేక్ గుప్తా సెబితో మ్యూచువల్ ఫండ్ నిబంధనలను ఉల్లంఘించినట్లు ఆరోపించిన కేసును సెటిల్‌మెంట్ ఛార్జీల కోసం రూ. 19.5 లక్షలు చెల్లించింది. పథకం లక్ష్యాలను సాధించడానికి స్కీమ్‌ల నిధులను పెట్టుబడి పెట్టేలా చేయడంలో గుప్తా విఫలమయ్యారని, అలా చేయడం ద్వారా మ్యూచువల్ ఫండ్ నిబంధనలను ఉల్లంఘించారని ఆరోపించారు.
