హైదరాబాద్: త్వరలోనే హైదరాబాద్ మెట్రో రెండో దశ విస్తరణ పనులు ప్రారంభిస్తామని మెట్రో రైల్ ఎండీ ఎన్వీఎస్ రెడ్డి వెల్లడించా రు. ఈ అంశంపై సీఎం రేవంత్ సూచనలతో ముందుకు వెళ్తామన్నారు. 'రెండో దశ డీపీఆర్లను మూడు నెలల్లో తయారు చేసి కేంద్రానికి పంపాం. మెట్రో రెండో దశ వేగవంతంపై సీఎం ఉదయం, రాత్రి ఫోన్ చేస్తున్నారు. ఓల్డ్ సిటీలో వచ్చే నెలాఖరు నుంచి కూల్చివేతలు మొదలుపెడతాం. కేంద్ర అనుమతుల కోసం నిరీక్షించకుండా పాత బస్తీలో జనవరి నుంచి పనులు స్టార్ట్ చేస్తాం. కోర్టు కేసులు లేకుండా చూసుకుంటాం. పబ్లిక్ ఎక్కువగా ఉండే ప్రాంతాల్లో మెట్రో అభివృద్ధి చేయాలని సీఎం సూచించారు. ప్రస్తుతం ఢిల్లీ, బెంగళూరు తర్వాతి స్థానంలో హైదరాబాద్లోఉంది.. వెంటనే మెట్రో విస్తరించకపోతే 9వ స్థానానికి పడిపోయే ప్రమాదం ఉంది' అని అన్నారు.
