మాదాపూర్, వెలుగు: సికింద్రాబాద్ రైల్వే స్టేషన్‌‌కు ప్లాటినం రేటింగ్‌ అవార్డు దక్కింది. గ్రీన్ రైల్వే స్టేషన్ల రేటింగ్‌ సిస్టంలో దేశంలోనే సికింద్రాబాద్ స్టేషన్‌‌కు ఈ అవార్డు వచ్చిందని సికింద్రాబాద్ డివిజనల్‌ రైల్వే మేనేజర్ అభయ్ కుమార్ గుప్తా తెలిపారు. అంతర్జాతీయ గ్రీన్ బిల్డింగ్ వీక్ 2022 సందర్భంగా గురువారం హైదరాబాద్‌‌లోని మాదాపూర్‌‌‌‌లో కాన్ఫెడరేషన్‌ ఆఫ్ ఇండియన్‌ ఇండస్ట్రీస్‌ (సీఐఐ) సెంటర్‌‌‌‌లో ఇండియన్‌ గ్రీన్ బిల్డింగ్ కౌన్సిల్‌ (ఐజీబీసీ) హైదరాబాద్ చాప్టర్ ఆధ్వర్యంలో గ్రీన్ క్రూసెడర్స్‌ కార్యక్రమాన్ని నిర్వహించారు.
ఇందులో సీఐఐ, ఐజీబీసీ సంయుక్తంగా సికింద్రాబాద్ రైల్వే స్టేషన్‌‌కు ప్లాటినం రేటింగ్‌ అవార్డు అందించాయి. ఈ సందర్భంగా గుప్తా మాట్లాడుతూ.. సికింద్రాబాద్ స్టేషన్‌‌కు ప్లాటినం రేటింగ్‌ రావడం ఆనందంగా ఉందన్నారు.
