- సంక్రాంతి రద్దీ నేపథ్యంలో రైల్వే అధికారుల నిర్ణయం
- సికింద్రాబాద్-విశాఖపట్నం ట్రైన్కు 8 అదనపు కోచ్లు
- ఈ నెల 13 నుంచి 16 కోచ్లతో నడవనున్న ట్రైన్
హైదరాబాద్సిటీ, వెలుగు: సంక్రాంతి రద్దీ నేపథ్యంలో దక్షిణ మధ్య రైల్వే అధికారులు కీలక నిర్ణయం తీసుకున్నారు. సికింద్రాబాద్ – విశాఖపట్నం మధ్య రోజూ నడిచే వందేభారత్ఎక్స్ప్రెస్(20707/20708) బోగీలు పెంచాలని నిర్ణయించారు. ఇప్పటివరకు ఈ ట్రైన్8 బోగీలతో నడుస్తోంది. ఈ నెల 13 నుంచి మరో 8 బోగీలతో కలిపి మొత్తం 16 బోగీలతో ప్రయాణికులకు అందుబాటులో ఉండనుంది. రోజూ 8 బోగీల్లో(1 ఎగ్జిక్యూటివ్, 7 చైర్కార్ కోచ్లు) 530 మంది ప్యాసింజర్లు జర్నీ చేస్తున్నారు.
తాజా నిర్ణయంతో ఆ సంఖ్య 1,128కు చేరనుంది. ఇక నుంచి 14 చైర్కార్కోచ్లలో 1,024 మంది, రెండు ఎగ్జిక్యూటివ్కోచ్లలో 104 మంది జర్నీ చేసే అవకాశం ఉంటుంది. ఇప్పటివరకు 7 చైర్కార్లలో 478 మంది, ఒక ఎగ్జిక్యూటివ్కోచ్లో 52 జర్నీ చేశారు. గతేడాది ఏప్రిల్ లో మొదలైన ఈ ట్రైన్కు ప్రయాణికుల నుంచి విశేష ఆదరణ లభిస్తోందని అధికారులు తెలిపారు.
