మాస్కో: రష్యాలోని ఓ డిటెన్షన్ సెంటర్లో ఉన్న ఖైదీలు సిబ్బందినే బందీలుగా పట్టుకుని బెదిరింపులకు దిగారు. దీంతో ఎంటరైన రష్యన్ దళాలు ఎన్కౌంటర్ చేసి ఖైదీల్లో కొంతమందిని మట్టుబెట్టాయి. మృతులు ఇస్లామిక్ టెర్రరిస్ట్ సంస్థ(ఐఎస్) సానుభూతిపరులని, అందుకే కాల్చి చంపినట్లు అధికారులు తెలిపారు. రోస్టోవ్ఆన్డాన్లోని ప్రీ ట్రయల్ డిటెన్షన్ సెంటర్లో ఆరుగురు ఖైదీలు కలిసి ఇద్దరు గార్డులను బంధించారు.
కత్తులు, గొడ్డలి చూపించి బెదిరించారు. సమాచారం అందుకున్న సెక్యూరిటీ ఫోర్సెస్.. స్పాట్కు చేరుకుని ఖైదీలను కాల్చి చంపేశాయి. అయితే, ఖైదీల్లో కొందరికి ఐఎస్తో సంబంధాలున్నాయని పోలీసులు మీడియాకు తెలిపారు. సిబ్బందికి ఎలాంటి గాయాలు కాలేదని, సేఫ్గా ఉన్నారని చెప్పారు. ఎంతమంది ఖైదీలను చంపేసింది మాత్రం వెల్లడించలేదు. కాగా, కొద్దిరోజులుగా ఐఎస్ టెర్రరిస్టులు రష్యాపై దాడులకు దిగుతున్నారు. మూడు నెలల కిందే మాస్కోలో ఓ కాన్సెర్ట్ జరుగుతుండగా కాల్పులు జరిపి 145 మందిని పొట్టనపెట్టుకున్నారు.
