శంషాబాద్, వెలుగు: రంగారెడ్డి జిల్లా శంషాబాద్ లోని రాజీవ్ గాంధీ అంతర్జాతీయ విమానాశ్రయంలో అధికారులు హైఅలర్ట్ ప్రకటించారు. రిపబ్లిక్ డే నేపథ్యంలో భద్రతను కట్టుదిట్టం చేశారు. ఈ నెల 23 నుంచి 30వ తేదీ వరకు ఆంక్షలు అమల్లో ఉంటాయని, అప్పటివరకు ఎలాంటి విజిటర్ పాసులు ఉండవని స్పష్టం చేశారు.
భద్రత బలగాల ఆధ్వర్యంలో నిత్యం డాగ్ స్క్వాడ్, బాంబ్ స్క్వాడ్తో తనిఖీలు నిర్వహిస్తున్నారు. ఎవరైనా అనుమానిత వ్యక్తులు కనిపిస్తే వెంటనే ఎయిర్పోర్టు సెక్యూరిటీ సిబ్బందికి లేదా పోలీసులకు సమాచారం ఇవ్వాలని ప్రజలకు అధికారులు సూచించారు.
