- నైపుణ్య శిక్షణ పథకంపై తప్పుడు ప్రచారం కరెక్ట్కాదు: మంత్రి సీతక్క
హైదరాబాద్, వెలుగు: గ్రామీణ యువతలో స్కిల్స్ పెంచేందుకు అమలుచేస్తున్న దీన్దయాళ్ఉపాధ్యాయ గ్రామీణ కౌశల్ యోజన(డీడీయూ– జీకేవై) పథకంపై ఓ యూట్యూబ్చానల్ లో ప్రసారమైన కథనాన్ని మంత్రి సీతక్క ఖండించారు. డీడీయూ జీకేవై పథకాన్ని కేంద్ర, రాష్ట్ర ప్రభుత్వాలు సంయుక్తంగా నిర్వహిస్తున్నాయని, ఇందులో కేంద్రం వాటా 60 శాతం, రాష్ట్ర ప్రభుత్వ వాటా 40 శాతం ఉంటుందని, ఈ పథకంలో అవకతవకలు జరిగినట్టు తప్పుడు కథనం ప్రసారం చేశారని మండిపడ్డారు.
ఇది పూర్తిగా అవాస్తవమని, కేంద్ర, రాష్ట్రాల నిధుల వాటా మీద, పథకం అమలు, నిధుల విడుదల విధానంపై ఏ మాత్రం అవగాహన లేకుండా ప్రసారం చేశారన్నారు. ఏపీకి చెందిన సాహితీ సిస్టమ్స్ ప్రైవేట్ లిమిటెడ్ అనే బ్లాక్ లిస్టెడ్ కంపెనీకి రూ.33 కోట్లు కట్టబెట్టేందుకు ప్రయత్నాలు సాగుతున్నాయని కట్టు కథలు ప్రసారం చేశారని ఫైర్అయ్యారు.
