మెహిదీపట్నం, వెలుగు: లంగర్ హౌస్ పోలీసులు స్వాధీనం చేసుకున్న రెండు కార్లు శనివారం రాత్రి దగ్ధమయ్యాయి. తనిఖీల్లో భాగంగా పట్టుకున్న వాహనాలను పోలీసులు స్టేషన్ కు ఇరువైపులా రోడ్డు పక్కన పార్క్చేస్తున్నారు. చాలా రోజులుగా అలాగే ఉండడంతో చెత్త పేరుకుపోయింది.
శనివారం రాత్రి మంటలు చెలరేగి రెండు కార్లు తగలబడ్డాయి. ఫైర్ సిబ్బంది వచ్చి మంటలను అదుపు చేశారు. సీజ్చేసిన వాహనాలను వెంటనే గోషామహల్ కు తరలించాలని స్థానికులు కోరుతున్నారు.
