టాలీవుడ్ ప్రముఖ డైరెక్టర్ శేఖర్ కమ్ముల ప్రస్తుతం కుబేర అనే సినిమాకి దర్శకత్వం వహిస్తున్నాడు. ఈ సినిమాని మల్టీ స్టారర్ సోషయో డ్రామా బ్యాక్ డ్రాప్ లో తెరకెక్కిస్తున్నాడు. ఈ సినిమాలో హీరోలుగా స్టార్ హీరోలైన కింగ్ నాగార్జున, తమిల్ హీరో ధనుష్ నటిస్తుండగా నేషనల్ క్రష్ రష్మిక మందాన హీరోయిన్ గా నటిస్తోంది. ఇక ఈ సినిమాని శ్రీ వెంకటేశ్వర సినిమాస్ ఎల్ఎల్పి, అమిగోస్ క్రియేషన్స్ ప్రైవేట్ లిమిటెడ్ బ్యానర్స్ పై ప్రముఖ సినీ నిర్మాతలు సునీల్ నారంగ్, పుస్కూర్ రామ్ మోహన్ రావు కలసి సంయుక్తంగా నిర్మిస్తున్నారు. ప్రముఖ మ్యూజిక్ డైరెక్టర్ దేవిశ్రీ ప్రసాద్ సంగీతం అందిస్తున్నాడు.
ALSO READ | Aditi Shankar: హీరోయిన్గా ఎంట్రీ ఇస్తున్న డైరెక్టర్ శంకర్ కూతురు..
శుక్రవారం కుబేర సినిమా గ్లింప్స్ ని ప్రిన్స్ మహేష్ బాబు చేతుల మీదుగా రిలీజ్ చేశారు. ఈ సినిమాలో నాగార్జున ఫ్యామిలీ మెన్ గా కనిపించాడు. ఇక ధనుష్ బిచ్చగాడి పాత్రలో నటించినట్లు తెలుస్తోంది.
రష్మిక మందాన కూడా ఎటువంటి ఓవర్ మేకప్ లేకుండా సింపుల్ మిడిల్ క్లాస్ యువతి లుక్ లో కనిపించింది. అయితే ఈ వీడియో మొత్తం డబ్బుని ఎలివేట్ చేసే సన్నివేశాలతో కూడి ఉంది. సైలెంట్ బిజియంతో, ఎలాంటి ఫైట్లు, ఓవర్ హెల్మింగ్ సీన్స్ వంటివి లేకుండా రిలీజ్ అయిన ఈ కుబేర గ్లింప్స్ ఆడియన్స్ ని బాగానే అలరిస్తుంది.
ఈ విషయం ఇలా ఉండగా చాలా గ్యాప్ తర్వాత వస్తున్న డైరెక్టర్ శేఖర్ కమ్ముల డీసెంట్ నేరేషన్ తో ఆడియన్స్ ని అలరించడానికి ప్లాన్ చేస్తున్నాడు. కుబేర సినిమా ని తెలుగుతోపాటూ తమిళ్, మలయాళం, కన్నడ, హిందీ తదితర భాషలలో రిలీజ్ చేసేందుకు సన్నాహాలు చేస్తున్నారు చిత్ర యూనిట్.
