యువత పోటీ పరీక్షలకు సిద్దంగా ఉండాలని రాచకొండ రన్నర్స్ అధ్యక్షుడు ప్రభాకర్ అన్నారు. ఎప్పుడో నోటిఫికేషన్లు వచ్చి నప్పుడు చదవడం కాదంటూ... బోడుప్పల్ మున్సిపల్ పరిధిలోని చెంగిచెర్ల శాంతివనం పార్కులో పోలీసు ఉద్యోగాలు సాధించిన సుమారు 30 మంది విద్యార్థులను,రన్నింగ్ కాంపిటీషన్లో పాల్గొన్న సభ్యులను రాచకొండ రన్నర్ సభ్యులు సన్మానించారు. ఈ సభలో ఆయన మాట్లాడుతూ గతేడాది ( 2023) ఏఆర్, సివిల్ ,టి ఎస్ ఎస్ పి లో సుమారు 30 మంది ఉద్యోగం సాధించారు. వీరు రానున్న రోజుల్లో ఎస్సై ఉద్యోగం సాధించే దిశగా కృషి చేయాలి దానికి రాచకొండ రన్నర్స్ ఎల్లప్పుడూ అండగా ఉంటుందని తెలిపారు.
జీవితంతో గోల్ సాధించేందుకు ఒక క్రమ పద్దతిలో ప్రిపేర్కావలన్నారు. పోలీసులకు ఉద్యోగాలకు ఎలాంటి ఫీజు లేకుండా ఫ్రీగా కోచింగ్ ఇస్తున్న రాచకొండ రన్నర్స్ అధ్యక్షుడు ప్రభాకర్ కు ఉద్యోగం సాధించిన విద్యార్థులు ధన్యవాదాలు తెలిపారు. ఈ కార్యక్రమంలో ఎస్సైలు నాగార్జున రెడ్డి,కృష్ణయ్య, ఓయూ జేఏసీ నాయకులు కట్ట శేఖర్ , రాచకొండ రన్నర్ సభ్యులు పాల్గొన్నారు.
