- ట్రంప్ కేబినెట్లో తొలి నియామకం
వాషింగ్టన్: ఫ్లోరిడాకు చెందిన సెనేటర్ మార్కో రూబియో.. విదేశాంగ శాఖ మంత్రిగా ఏకగ్రీవంగా ఎన్నికయ్యారు. అమెరికా అధ్యక్షుడు డొనాల్డ్ ట్రంప్ కేబినెట్లో రూబియోకు తొలి స్థానం దక్కింది. 53 ఏండ్ల రూబియో.. నిరుడు కాంగ్రెస్లో ఓ బిల్లు ప్రవేశపెట్టారు.
జపాన్, ఇజ్రాయెల్, కొరియా, నాటో మిత్ర దేశాలతో సమానంగా ఇండియాను చూడాలని ఆ బిల్లులో పేర్కొన్నారు. ఇండియా సమగ్రతకు వాటిల్లుతున్న ముప్పును దృష్టిలో పెట్టుకుని మద్దతుగా నిలవాలని రూబియో ప్రతిపాదించారు.
ఇండియాకు వ్యతిరేకంగా టెర్రరిజాన్ని ప్రోత్సహించినట్లు తేలితే.. పాకిస్తాన్కు భద్రతాపరమైన సహాయం నిలిపివేయాలని కూడా ఆ బిల్లులో ఆయన పేర్కొన్నారు. రూబియోతో సహా 99 మంది సెనేటర్లు బిల్లుకు అనుకూలంగా ఓటు వేశారు.
ఇండియా విషయంలో మార్కో.. ఎప్పుడూ పాజిటివ్గా వ్యవహరిస్తూ వచ్చారు. చైనా విషయంలో కఠినంగా వ్యవహరిస్తారనే టాక్ ఉన్నది. దీంతో రూబియోను తమ భూభాగంలో అడుగుపెట్టకుండా 2020లో చైనా రెండుసార్లు ఆంక్షలు విధించింది. సెనేట్ సెలెక్ట్ కమిటీ ఆన్ ఇంటెలిజెన్స్లోనూ ఆయన సభ్యుడిగా ఉన్నాడు.
