భద్రాద్రి కొత్తగూడెం జడ్పీ బిల్డింగ్కు ప్రపోజల్స్ పంపండి. రూ.10 కోట్లతో ఎస్టిమేషన్ రెడీ చేయండి. ఫండ్స్ ఇస్తా’’నని అప్పటి సీఎం కేసీఆర్ గొప్పగా ప్రకటించారు. రెండేండ్లు గడిచినా ఈ హామీకి అతీగతీ లేదు. ప్రస్తుతం ప్రభుత్వం మారడంతో కొత్త బిల్డింగ్ప్రతిపాదన మళ్లీ తెరపైకి వచ్చింది.
భద్రాద్రికొత్తగూడెం, వెలుగు: కొత్తగా జిల్లా ఏర్పడిన తర్వాత భద్రాద్రి కొత్తగూడెం జడ్పీ బిల్డింగ్, మీటింగ్ హాల్ను చాలీచాలని గదుల్లో ఆఫీసర్లు నడిపిస్తున్నారు. అవసరమైన ల్యాండ్ ఉందని, బిల్డింగ్ నిర్మాణాలకు ఫండ్స్ కావాలని అప్పటి సీఎం కేసీఆర్ను జడ్పీ చైర్మన్ కోరం కనకయ్య కోరారు. స్పందించిన గులాబీ అధినేత ప్రపోజల్స్ పంపించండి.. ఫండ్స్ ఇస్తానని చెప్పడంతో ప్రజాప్రతినిధులు, అధికారులు సంబురపడ్డారు. ఆ తర్వాత ఏండ్లు గడిచినా నిధులు జాడ లేకపోవడంతో ఉసూరుమన్నారు.
టెంట్ల కింద కూర్చునే దుస్థితి..
ప్రస్తుతం జడ్పీజనరల్బాడీ మీటింగ్ పెడితే సగం మంది ఆఫీసర్లు ఆఫీస్ఆవరణలో టెంట్ల కింద కూర్చునే దుస్థితి. ఏడు స్టాండింగ్కమిటీల మీటింగ్లు ఇరుకు గదుల్లోనే. పైగా ఇప్పుడున్న బిల్డింగ్శిథిలావస్థకు చేరింది.
జడ్పీటీసీలకు స్పెషల్రూం ఇవ్వలె
తమకు ప్రత్యేక గది ఇవ్వాలని లక్ష్మీదేవిపల్లి, సుజాతనగర్ మండలాల జడ్పీటీసీలు పలుమార్లు కోరినప్పటికీ రేపు మాపంటూ కాలం వెళ్లదీశారు. లక్ష్మీదేవిపల్లి జడ్పీటీసీ మేరెడ్డి వసంత ప్రతీ జనరల్ బాడీ సమావేశంలో తనకు రూమ్ఇవ్వనందుకు మీటింగ్అయ్యేంత వరకు నిలబడే ఉంటూ నిరసన తెలిపారు. ‘‘ఇండిపెండెంట్గా గెలిచావు.. మా పార్టీలో చేరమంటే చేరడం లేదు”అంటూ అప్పటి బీఆర్ఎస్ పాలకులు వసంతను పలు విధాలుగా ఇబ్బందులు పెట్టిన దాఖలాలూ ఉన్నాయి. ఆగస్టు 7తో తమ పాలక వర్గం ముగియనున్న నేపథ్యంలో ఆలోపే కొత్త బిల్డింగ్కు ఫండ్స్ మంజూరు చేయాలని కాంగ్రెస్ ప్రభుత్వాన్ని జడ్పీ చైర్మన్ కంచర్ల చంద్రశేఖర్, ప్రజాప్రతినిధులు కోరుతున్నారు.
