చిన్న పిల్లలైన పెద్దోళ్లు!.. పెద్దల జాతరలో సరదాగా గడిపిన సీనియర్​ సిటిజన్స్​

• ఉత్సాహంగా ఆటలు, పాటలు, డ్యాన్సులు  
• 25 ఓల్డేజ్​ హోమ్స్​ నుంచి 300 మంది రాక  

హైదరాబాద్ సిటీ, వెలుగు: పిల్లలు పట్టించుకోక కొందరు.. ఛీత్కారాలు, చీదరింపులతో ఇంకొందరు.. మానసిక ప్రశాంతత కోసం ఇంట్లో ఉండలేక మరికొందరు.. ఇలా పలు కారణాలతో చాలా మంది వృద్ధులు ఓల్డ్ ​ఏజ్​హోమ్స్​లో చేరుతుంటారు. వీరికి బయటి ప్రపంచం తెలియదు. కష్టాలు, కన్నీళ్లు ఏమున్నా.. ఆ నాలుగ్గోడల మధ్యే. అలాంటి వారు ఆదివారం దుండిగల్​లో జరిగిన పెద్దల జాతరలో ఉత్సాహంగా గడిపారు. ఆరేసుకోబోయి పారేసుకున్నాను.

 హరి హరి, గున్న గున్న మామిడి పాటలకు డ్యాన్సులు చేసి ఆనందంగా గడిపారు. కాంపిటీషన్స్, గేమ్స్, యాక్టివిటీస్​, స్టేజ్​ఫర్మామెన్స్, స్పోర్ట్స్...ఇలా ఇరవై రకాల ఆటలతో ఈ ఆదివారాన్ని అద్భుతంగా మలుచుకున్నారు. బెంగళూరుకు చెందిన ‘వీ ద వలంటీర్స్’(వీటీవీవో) హైదరాబాద్ లో పెద్దల జాతర పేరుతో ఓల్డేజ్​హోమ్స్​లో ఉండే సీనియర్​సిటిజన్స్​ను ఒక్క చోటికి చేర్చింది. దుండిగల్​బౌరంపేటలోని శిఖర ఇంటర్నేషనల్​స్కూల్​ ఫెస్ట్​ నిర్వహించగా, 60 ఏండ్ల వృద్ధులంతా చిన్న పిల్లలై జోష్​గా గడిపారు.

25 హోమ్స్.. 300 మంది సీనియర్ ​సిటిజన్స్​ 

సిటీలోని దాదాపు 25 ఓల్డేజ్​హోమ్స్​నుంచి 300 మంది సీనియర్​సిటిజన్స్​పెద్దల జాతరకు వచ్చారు. వీటీవీవోకు చెందిన 400 మంది వలంటీర్లు వారిని హోమ్స్​నుంచి బస్సుల్లో తీసుకువచ్చారు. ఉదయం నుంచి సాయంత్రం దాకా వారిని ఉత్సహపరిచేలా డ్యాన్సులు చేయించారు. పాటలు పాడించారు. డ్రాయింగ్స్​వేయించారు. నెయిల్​పాలిష్, లిప్ స్టిక్​పెట్టడంతో కొంతమంది బామ్మలు సిగ్గుపడిపోయారు. ముగ్గుల పోటీలు, చెస్, స్పూన్​బాల్, పాట్​పెయింటింగ్ లాంటి గేమ్స్​తో ఉత్సాహపరిచారు. ఇందులో గెలుపొందినవారికి మెడల్స్​ఇచ్చి ప్రోత్సహించారు.  వలంటీర్లను చూస్తే తమకు తమ మనువరాళ్లు, మనవళ్లు గుర్తుకొస్తున్నారని, మరికొందరు తమ చిన్ననాటి జ్ఞాపకాలు గుర్తొచ్చాయని సంబురపడిపోయారు.  

చిన్ననాటి రోజులు గుర్తొచ్చాయి.. 

ఓల్డేజ్ హోమ్​లో చేరి ఏడాదవుతోంది. అక్కడ నేను వీల్ చైర్​కే పరిమితం. చాలా రోజుల తర్వాత ఈ రోజే  ఈ ప్రొగ్రాం వల్ల బయటకు వచ్చా. ఈ కార్యక్రమం నాలో నిరుత్సాహాన్ని దూరం చేసింది. అందరూ చిన్నపిల్లలై ఆడిపాడారు. నేను చాలా ఆనందంగా ఉన్నా. పాట్​ పెయిటింగ్​లో సెకండ్​ ప్రైజ్ వచ్చింది. చిన్ననాటి రోజులు గుర్తొచ్చాయి. 
– లీలావతి, రాజేశ్వరి ఓల్డేజ్​ హోమ్, కూకట్ పల్లి

వాళ్ల ఆటలు..పాటలు ఎనర్జీ ఇచ్చింది. 

 నేను ఇన్​స్టాగ్రామ్​లో చూసి వీటీవీవోలో వలంటీర్​గా చేరా. మార్నింగ్​ బస్సు దిగినప్పటి నుంచి వీళ్లంతా నవ్వుతూనే ఉన్నారు. వాళ్ల డ్యాన్సు, ఆటలు పాటలు మాకు ఎనర్జీ ఇస్తాయి. ఇంకా వారి కోసం పని చేయాలనే తపన కలిగిస్తాయి. ఇలాంటి ప్రోగ్రామ్స్​లో వలంటీర్​గా పని చేయడం నా అదృష్టం.  
– లావణ్య, వలంటీర్​,  కొండాపూర్

వారి ఆనందం కోసం మరిన్ని కార్యక్రమాలు చేస్తం 

వృద్ధుల కళ్లల్లో ఆనందం చూడడానికి వీద వలంటీర్స్​ సంస్థను  2012లో బెంగళూరులో ప్రారంభించాం. వారితో పాటు పిల్లల్లో కూడా ఉత్సాహాన్ని పెంచడానికి కార్యక్రమాలు నిర్వహిస్తున్నాం.  ఇప్పటివరకు చెన్నై, బెంగళూరులో నిర్వహించాం. ఆదివారం సిటీలో కార్యక్రమానికి మంచి రెస్పాన్స్​ వచ్చింది. సీనియర్​ సిటిజన్స్​ వారి కష్టాలు మరిచి ఆనందంగా గడిపేలా చేయడమే మా ప్రయత్నం. ఈ విషయంలో ఈ రోజు మేము సక్సెస్​ అయ్యాం అనుకుంటున్నాం. మున్ముందు మరిన్ని హోంలతో కలిసి ఇలాంటి ప్రోగ్రామ్స్​ చేస్తం.
– సురేంద్రన్​ ఎం. కృష్ణన్, 
    వీ ద వలంటీర్స్​ వ్యవస్థాపకుడు