గద్వాల, వెలుగు: గద్వాల పట్టణంలోని అర్బన్ రెసిడెన్షియల్ స్కూల్ స్టూడెంట్ల సమస్యలు పరిష్కరించేందుకు తనవంతు కృషి చేస్తానని ప్రిన్సిపల్ సీనియర్ సివిల్ జడ్జి గంటా కవితా దేవి తెలిపారు. బుధవారం స్కూల్ను సందర్శించి స్టూడెంట్ల సమస్యలు అడిగి తెలుసుకున్నారు. క్లాస్ రూమ్స్ కొరత ఉందని, పడుకోడానికి ఇబ్బంది పడుతున్నాయని, టీచర్ల కొరత ఉందని స్టూడెంట్లు జడ్జి దృష్టికి తీసుకెళ్లారు.
సమస్యలు ఉన్నాయనే విషయం తెలిసి తాను ఇక్కడికి వచ్చానని, ఈ విషయాన్ని సంబంధిత ఆఫీసర్ల దృష్టికి తీసుకెళ్లి పరిష్కరించేందుకు కృషి చేస్తానన్నారు. హెచ్ఎం శేషన్న పాల్గొన్నారు.
