- గుత్తా అమిత్ రెడ్డికి తెలంగాణ డెయిరీ ఫెడరేషన్చైర్మన్ పదవి ఇవ్వడంపై పెద్దల గుస్సా
- హైకమాండ్కు ఫిర్యాదుతో ఆగిన బాధ్యతల స్వీకరణ
- మంత్రుల కోటాలో చైర్మన్పదవులు ఇచ్చాకే లైన్క్లియర్
- అప్పటివరకు అమిత్కు తప్పని నిరీక్షణ
నల్గొండ, వెలుగు : శాసన మండలి చైర్మన్ గుత్తా సుఖేందర్రెడ్డి కొడుకు గుత్తా అమిత్రెడ్డి చైర్మన్ పదవికి నల్గొండ జిల్లా సీనియర్కాంగ్రెస్ నాయకులు బ్రేకులు వేశారు. మంత్రులు ఉత్తమ్కుమార్రెడ్డి, కోమటిరెడ్డి వెంకట్రెడ్డి కోటాలో వాళ్ల అనుచరులకు చైర్మన్పదవులు ఇచ్చాకే అమిత్ కు లైన్క్లియర్ చేయాలని, అప్పటివరకు ప్రభుత్వం ఇచ్చిన ఆర్డర్స్పెండింగ్పెట్టేలా పార్టీ సీనియర్లు హైకమాండ్ను ఒప్పించినట్లు తెలిసింది. ఈనెల 20న అమిత్రెడ్డిని తెలంగాణ డెయిరీ ఫెడరేషన్ చైర్మన్గా నియమిస్తూ ప్రభుత్వం ఉత్తర్వులు ఇచ్చిన సంగతి తెలిసిందే. అయితే జిల్లాలో చాలా మంది సీనియర్నాయకులు నామినేటెడ్పదవులు కోసం నిరీక్షిస్తున్నారు.
పార్టీ కోసం అహర్నిశలు కష్టపడ్డ తమను కాదని.. నిన్నగాక మొన్న వచ్చిన అమిత్కు చైర్మన్ పదవి ఇవ్వడంపై సీనియర్నాయకులు ఆగ్రహం వ్యక్తం చేశారు. జిల్లా మంత్రి కోమటిరెడ్డి వెంకట్రెడ్డి కోటాలో నల్గొండ కాంగ్రెస్ పట్టణ అధ్యక్షుడు, మాజీ జడ్పీటీసీ గుమ్మల మోహన్రెడ్డి, పార్టీ సీనియర్నేత జానారెడ్డి ప్రధాన అనుచరుడు డీసీసీ ప్రెసిడెంట్శంకర్నాయక్, నాగార్జునసాగర్కు చెందిన కొండేటి మల్లయ్య (ఎస్సీ) తదితరులు నామినేటెడ్పదవుల కోసం ఎదురుచూస్తున్నారు. మంత్రి కోమటిరెడ్డి ఎంపీ ఎన్నికల ప్రచారంలో మోహన్ రెడ్డికి తప్పనిసరిగా రాష్ట్ర స్థాయిలో పదవి ఇస్తానని హామీ ఇచ్చారు.
ఇక డీసీసీ ప్రెసిడెంట్శంకర్నాయక్కు ఎమ్మెల్సీ, జడ్పీ చైర్మన్, కార్పొరేషన్ చైర్మన్ఈ మూడింటిలో ఏదో ఒకటి కచ్చితంగా ఇస్తామని హామీ ఇచ్చారు. నకిరేకల్ఎమ్మెల్యే టికెట్ఆశించిన ఎస్సీ సామాజిక వర్గానికి చెందిన కొండేటి మల్లయ్యకు ఎన్నికల టైంలో సీఎం రేవంత్రెడ్డి, జానారెడ్డి నామినేటెడ్ పదవి ఇస్తానని హామీ ఇచ్చారు. దీంతోనే మల్లయ్య ఎన్నికల పోటీ నుంచి తప్పుకున్నారు.
ఇప్పటివరకు ఉమ్మడి జిల్లా వ్యాప్తంగా యాదాద్రి, సూర్యాపేట జిల్లాలకు చెందిన లీడర్లకు కార్పొరేషన్పదవులు లభించాయి. వీళ్లలో ఎన్నికలకు ముందు పార్టీలో చేరిన బండ్రు శోభారాణికి సైతం కార్పొరేషన్చైర్మన్ పదవిదక్కింది. నల్గొండ జిల్లాలో ఒక్కరికి కూడా నామినేటెడ్ పదవి రాలేదు. త్వరలో కేబినెట్విస్తరణ ఉంటుందని, దీంతో పాటే నామినేటెడ్పోస్టులు కూడా అనౌన్స్చేస్తారని భావించారు. కానీ సీఎం రేవంత్రెడ్డితో కలిసి అమెరికా పర్యటన ముగించుకుని వచ్చిన కొద్దిరోజులకే అమిత్ఒక్కడి పేరును ప్రకటించడంపై జిల్లా సీనియర్లు మంత్రుల వద్ద సీరియస్ అయినట్టు తెలిసింది.
పార్టీలో తప్పుడు సంకేతాలు..
పార్లమెంట్ఎన్నికల ముందు పార్టీలో చేరిన అమిత్కు అతి తక్కువ టైంలోనే చైర్మన్పదవి ఇవ్వడంతో తప్పుడు సంకేతాలు పోతాయని, నాయకులు, కార్యకర్తలకు సమాధానం చెప్పలేని పరిస్థితి వస్తదని హైకమాండ్ వద్ద ఫిర్యాదు చేసినట్టు తెలిసింది. అమిత్కు పదవి ఇవ్వడంలో మంత్రులు, ఎమ్మెల్యేల నుంచి ఎలాంటి అభ్యంతరం లేకున్నా ఆశావాహలతో కలిపి ఆర్డర్స్ఇచ్చినట్లయితే ఆమోదయోగ్యంగా ఉండేదని అంటున్నారు.
ALSO READ : ఏక్ఫస్లా పట్టాలతోనే చెరువులకు ఎసరు
గుమ్మల మోహన్రెడ్డికి కార్పొరేషన్చైర్మన్ఇవ్వాలని మంత్రులు కోమటిరెడ్డి, ఉత్తమ్ కుమార్రెడ్డి పార్టీ హైకమాండ్కు సిఫార్సు చేసినట్టు తెలిసింది. ఇలాంటివన్నీ పరిగణలోకి తీసుకుని పరిశీలించాలని, అప్పటివరకు అమిత్ చైర్మన్బాధ్యతలు తీసుకోకుండా పెండింగ్లో ఉంచాలని జిల్లా సీనియర్లు హైకమాండ్ను కోరినట్టు తెలిసింది.
మంత్రి ఉత్తమ్ ఢిల్లీ పర్యటనతో మారిన పరిణామాలు..
అధిష్టానం ఆహ్వానం మేరకు ఇటీవల మంత్రి ఉత్తమ్ కుమార్రెడ్డి ఢిల్లీ వెళ్లొచ్చిన కొద్దిరోజులకే ఊహించని పరిణామాలు చోటు చేసుకున్నాయి. కేబినెట్లో మునుగోడు ఎమ్మెల్యే కోమటిరెడ్డి రాజగోపాల్రెడ్డి బెర్త్ కన్ఫార్మ్అయినట్టుగా ప్రచారం జరుగుతోంది. ఇదే క్రమంలో మంత్రి ఉత్తమ్భార్య కోదాడ ఎమ్మెల్యే పద్మావతి సైతం కేబినెట్ హోదా కోసం కార్పొరేషన్ చైర్మన్ ఇవ్వాలని పట్టుబడుతున్నట్టు తెలిసింది.
ఉత్తమ్మంత్రిగా వ్యవహరిస్తున్న సివిల్సప్లై శాఖ కార్పొరేషన్చైర్మన్పదవి ఆమె ఆశిస్తున్నట్టు సీనియర్లు చెప్తున్నారు. మరోవైపు ఎస్టీ కోటాలో దేవరకొండ ఎమ్మెల్యే బాలూనాయక్ సైతం మంత్రి పదవి వస్తదనే నమ్మకంతో ఉన్నారు. ఇంతమంది సీనియర్లు పదవుల కోసం ఎవరికి వాళ్లు గట్టి ప్రయత్నాలు చేస్తుంటే చడీచప్పుడు కాకుండా అమిత్పేరు ప్రకటించడంతో జిల్లా సీనియర్లు ఒకింత ఆశ్చర్యానికి లోనయ్యారు.
