ఆర్మూర్, వెలుగు : ఆర్మూర్ జర్నలిస్టు కాలనీ అభివృద్ధి కమిటీ అధ్యక్షుడు, సీనియర్ జర్నలిస్టు గోసికొండ అశోక్ మంగళవారం తెల్లవారు జామున హార్ట్ ఎటాక్ తో మృతిచెందారు. కరీంనగర్ జిల్లా హుస్నాబాద్ కు చెందిన అశోక్ 30 ఏండ్ల క్రితం ఆర్మూర్కు వచ్చి, అప్పటి నుంచి జర్నలిస్టుగా కొనసాగుతున్నారు. జర్నలిస్టుకాలనీలో నివాసం ఉంటున్న ఆయనకు భార్య, ఇద్దరు కుమారులు ఉన్నారు.
రాష్ట్ర మినరల్ డెవలప్మెంట్ చైర్మన్ ఈరవత్రి అనిల్, ఆర్మూర్ ఎమ్మెల్యే పైడి రాకేష్ రెడ్డి, కాంగ్రెస్ పార్టీ ఆర్మూర్ నియోజకవర్గ ఇన్చార్జి పొద్దుటూరి వినయ్ రెడ్డి, మున్సిపల్ చైర్ పర్సన్ వన్నెల్ దేవి లావణ్య అయ్యప్ప శ్రీనివాస్, టౌన్ కాంగ్రెస్ ప్రెసిడెంట్ సాయిబాబాగౌడ్ అంత్యక్రియలకు హాజరై బాధిత కుటుంబానికి సంతాపం తెలిపారు.
