హైదరాబాద్, వెలుగు: బీఆర్ఎస్ను అంతం చేయడం సీఎం రేవంత్ రెడ్డివల్ల కాదని బీఆర్ఎస్సీనియర్నేత పొన్నాల లక్ష్మయ్య అన్నారు. బీఆర్ఎస్మొక్క కాదని.. మహా వృక్షమని వెల్లడించారు. రేవంత్లాంటోళ్లు ఎంతో మంది వస్తారు, పోతారుగానీ..బీఆర్ఎస్ మాత్రం అలాగే ఉంటుందని చెప్పారు. బుధవారం ఆయన తెలంగాణభవన్లో మీడియాతో మాట్లాడారు. కాంగ్రెస్ 11 నెలల పాలనలో అసలు ఏం చేశారని విజయోత్సవాలు జరుపుకుంటున్నారని పొన్నాల ప్రశ్నించారు.
సభల్లో సీఎం మాట్లాడే భాష ఇలాగే ఉంటుందా అని నిలదీశారు. తిట్లు తిట్టడమే సంబురాలా అని ప్రశ్నించారు. కేసీఆర్ను అసెంబ్లీకి రావాలంటున్న ప్రభుత్వానికి.. అసలు సభలో బీఆర్ఎస్ను ఎదుర్కొనే దమ్ముందా అని అన్నారు. రాష్ట్ర ఆర్థిక పరిస్థితిపై సీఎం రేవంత్కు ఏ మాత్రం అవగాహన లేదని విమర్శించారు. దేశంలోని మిగతా రాష్ట్రాలతో పోలిస్తే తెలంగాణ ఆర్థిక స్థితి మెరుగ్గా ఉన్నట్లు చాలా నివేదికలు చెప్పాయన్నారు.
తెలంగాణ పాలిట శాపం రేవంత్: దాసోజు
తెలంగాణ పాలిట రేవంత్శాపంగా మారారని దాసోజు శ్రవణ్మండిపడ్డారు. రాజకీయాలను చిల్లరమల్లరగా మార్చేశారన్నారు. పిచ్చిపట్టిన వాళ్లలాగా రేవంత్మాట్లాడుతున్నారని, మంత్రివర్గంలోని ఉత్తమ్, శ్రీధర్ బాబు, దామోదర రాజనర్సింహ లాంటి మేధావులు ఆయన భాషను ఎందుకు అడ్డుకోవడం లేదని ప్రశ్నించారు. కేసీఆర్ ఉద్యమ వటవృక్షమైతే.. తులసీ వనంలో గంజాయి మొక్కలా రేవంత్మారారని విమర్శించారు. రేవంత్ ఫ్రస్ట్రేషన్ స్టార్, పరేషాన్ రెడ్డిలా మారారని దాసోజు ఎద్దేవా చేశారు.
