యూట్యూబర్ హర్ష సాయి తనని మోసం చేశాడని మంగళవారం ఓ యువతి ఆరోపించిన విషయం తెలిసిందే.. యువతి నార్సింగ్ పోలీస్ స్టేషన్ లో లైంగిక వేధింపులు, భౌతిక దాడి, చీటింగ్, దోపిడితోపాటు బ్లాక్ మెయిల్ చేశాడని హర్ష సాయిపై పెట్టిన కంప్లెయింట్ లో పేర్కొంది. ఆమెను హర్ష సాయి లైంగికంగా వేధించాడని, డబ్బులు కూడా తీసుకున్నాడని, పెళ్లి చేసుకుంటా అని మోసం చేశాడని మహిళ ఎఫ్ఐఆర్ లో తెలిపింది. హర్ష సాయిపై 328, 376 (2) (n), 354 (B)(C) IPC సెక్షన్ల కింద పోలీసులు కేసు నమోదు చేశారు. హర్షసాయితోపాటు అతని తండ్రిపై కూడా యువతి ఫిర్యాదు ఇచ్చింది. వారిపై కేసు నమోదు చేసి నార్సింగి పోలీస్ స్టేషన్, సైబరాబాద్ పోలీసులు దర్యాప్తు చేస్తున్నారు. పోలీసులు యువతికి వైద్య పరీక్షల కోసం కొండాపూర్ గవర్నమెంట్ హాస్పిటల్ తీసుకెళ్లారు.
