సెన్సెక్స్824 పాయింట్లు డౌన్
నిఫ్టీ 263 పాయింట్లు పతనం
న్యూఢిల్లీ: అమెరికా ప్రెసిడెంట్ డోనాల్డ్ ట్రంప్ట్రేడ్ పాలసీపై అనిశ్చితి, కొలంబియాతో ఘర్షణలతో గ్లోబల్ మార్కెట్లతోపాటు ఇండియా మార్కెట్లు తీవ్రంగా నష్టపోయాయి. ఐటీ, ఆయిల్గ్యాస్ షేర్లలో విపరీతమైన అమ్మకాల కారణంగా సెన్సెక్స్ఏడు నెలల కనిష్టానికి పడిపోయింది.
824.29 పాయింట్లు నష్టపోయి 75,366 వద్ద ముగిసింది. సెన్సెక్స్లోని 23 షేర్లూ నష్టపోయాయి. ఇంట్రాడేలో 922 పాయింట్ల వరకు పడింది. 50 షేర్ల నిఫ్టీ 263.05 పాయింట్లు నష్టపోయి 22,829 వద్ద ముగిసింది. గత జూన్ఆరు తరువాత మొదటిసారిగా 23 వేల దిగువకు వచ్చింది.
ఇంట్రాడేలో 305.3 పాయింట్ల వరకు నష్టపోయింది. ఫలితంగా ఇన్వెస్టర్ల సంపద రూ.9.52 లక్షల కోట్లు తగ్గింది. ఐటీ, టెలికం, యుటిలిటీస్, పవర్, కన్జూమర్ డ్యూరబుల్స్, ఆయిల్ అండ్ గ్యాస్, హెల్త్కేర్ సెక్టార్ షేర్లు విపరీతంగా నష్టపోయాయి.
ట్రంప్ కొలంబియాపై సుంకాలను 25 శాతానికి పెంచుతున్నట్టు ప్రకటించారు. అక్రమ వలసదారులు ఉన్న విమానాలను రానిస్తానని ఒప్పుకోవడంతో తన నిర్ణయాన్ని వెనక్కి తీసుకున్నారు. ప్రపంచవ్యాప్తంగా సెంటిమెంట్లు బలహీనంగా ఉండటం, మూడో క్వార్టర్ ఫలితాలు నిరాశపర్చడంతో అమ్మకాలు ఎక్కువయ్యాయని జియోజిత్ ఫైనాన్షియల్సర్వీసెస్ రీసెర్చ్ హెడ్ వినోద్ నాయర్ అన్నారు.
హెచ్సీఎల్ టెక్ 4.49 శాతం డౌన్
సెన్సెక్స్ షేర్లలో హెచ్సీఎల్ టెక్ 4.49 శాతం నష్టపోయింది. దీంతోపాటు జొమాటో, టెక్మహీంద్రా, పవర్గ్రిడ్, టాటా మోటార్స్, ఇన్ఫోసిస్, టాటా స్టీల్, హెచ్డీఎఫ్సీ బ్యాంక్, రిలయన్స్, ఎయిర్టెల్ నష్టపోయాయి. మూడో క్వార్టర్ రిజల్ట్స్ బాగుండటంతో ఐసీఐసీఐ షేర్1.39 శాతం లాభపడింది.
హెచ్యూఎల్, ఎంఅండ్ఎం, ఎస్బీఐ, ఎల్అండ్టీ కూడా లాభపడ్డాయి. బీఎస్ఈ స్మాల్క్యాప్ 3.51 శాతం, మిడ్క్యాప్ 2.68 శాతం తగ్గాయి. సెక్టోరల్ ఇండెక్స్లు అన్నీ నష్టాల్లోనే ముగిశాయి. రిజల్ట్స్ బాగాలేకపోవడంతో ఐడీఎఫ్సీ షేర్లు 8.85 శాతం, సీడీఎస్ఎల్ షేర్లు 10 శాతం నష్టపోయాయి.
యూఎస్, యూరప్మార్కెట్ల నుంచి బలహీనమైన సంకేతాలు, ఎఫ్ఐఐల నిధుల తరలింపు, పేలవమైన థర్డ్ క్వార్టర్ రిజల్ట్స్కారణంగా ఇన్వెస్టర్లు తమ పెట్టుబడులను తగ్గించుకుంటున్నారని మెహతా ఈక్విటీస్ ఎనలిస్ట్ ప్రశాంత్ తాప్సీ చెప్పారు. ఆసియా, యూరప్ మార్కెట్లు నష్టపోయాయి.
ఎఫ్ఐఐలు శుక్రవారం రూ.2,758.49 కోట్ల విలువైన ఈక్విటీలు అమ్మారు. బ్రెంట్ క్రూడ్ బ్యారెల్ధర 0.22 శాతం పెరిగి 78.67 డాలర్లకు చేరింది.
