కర్తార్పూర్: వాళ్లిద్దరూ అన్నదమ్ములు.. దేశ విభజన సమయంలో విడిపోయారు. ఒకరేమో ఇండియాలో ఉండిపోతే, ఇంకొకరు పాకిస్తాన్లో స్థిరపడ్డరు. అప్పటి నుంచి ఒకరినొకరు కలుసుకోవడానికి వాళ్లకు వీలుపడలే. దాదాపు 74 ఏండ్లు గడిచినంక ఇప్పుడు అనుకోకుండా కర్తార్పూర్ కారిడార్లో కలుసుకున్నారా అన్నదమ్ములు. పాకిస్తాన్లోని ఫైసలాబాద్ నివాసి సిద్ధిక్, ఇండియన్ పంజాబ్లోని ఫుల్లన్వాల్ ప్రాంతానికి చెందిన హబీబ్ కర్తార్పూర్ వెళ్లారు. ఇద్దరూ అక్కడ ఎదురుపడడంతో వారి ఆనందానికి అవధులు లేకుండా అయింది. ఒకరినొకరు ఆత్మీయంగా కౌగిలించుకొని భావోద్వేగానికి గురయ్యారు. ఆనందంతో కన్నీళ్లు పెట్టుకున్నారు. తమ చిన్ననాటి జ్ఞాపకాలను నెమరువేసుకున్నారు. వీరు కలుసుకున్న వీడియో ఇప్పుడు సోషల్ మీడియాలో వైరలవుతోంది. కర్తార్పూర్ను ఓపెన్ చేసినందుకు ఇండియా పాక్ ప్రభుత్వాలకు వారు కృతజ్ఞతలు చెప్పగా.. దేశ విభజన సమయంలో విడిపోయిన ఎంతోమంది కలిసేందుకు అవకాశముందన్నారు. గతంలోనూ ఇద్దరు స్నేహితులు కర్తార్పూర్ పర్యటనలో కలుసుకున్నారు.
