-
స్వగ్రామానికి వలస జీవి డెడ్బాడీ
-
ఫ్రీ అంబులెన్స్ అందించిన సర్కార్
కొడిమ్యాల, వెలుగు: ఈ నెల 9న ఖతార్ లో గుండె పోటుతో చనిపోయిన యువకుడి డెడ్ బాడీ మంగళవారం స్వగ్రామం చేరుకుంది. జగిత్యాల జిల్లా కొడిమ్యాల మండలం నాచుపల్లి విలేజ్ కి చెందిన కంకణాల శ్రీకాంత్(27) ఉపాధి కోసం ఖతార్ కు వెళ్లాడు. ఈ నెల 9న డ్యూటీ అనంతరం వాకింగ్ చేస్తుండగా, గుండెపోటుతో చనిపోయాడు. కాగా, శ్రీకాంత్ డెడ్బాడీ మంగళవారం నాచుపల్లికి చేరుకోగా, కుటుంబసభ్యులు అంత్యక్రియలు నిర్వహించారు. స్థానిక ఎమ్మెల్యే మేడిపల్లి సత్యం ఆదేశాల మేరకు హైదరాబాద్ ఎయిర్ పోర్ట్ నుంచి నాచుపల్లి వరకు ప్రభుత్వం ఉచిత అంబులెన్స్ సౌకర్యం కల్పించింది. గల్ఫ్ వర్కర్స్ కోసం రాష్ట్ర ప్రభుత్వం ప్రవేశ పెట్టిన స్కీం ద్వారా రూ.5 లక్షల సాయాన్ని శ్రీకాంత్ కుటుంబానికి అందజేసి ఆదుకుంటామని ఎమ్మెల్యే తెలిపారు.
